13 მაისს რიანამ და A$AP Rocky-მ თავისი პირველი შვილის დაბადების დღე აღნიშნეს. A$AP Rocky-მ ინსტაგრამზე შვილის დაბადების დღისადმი მიძღვნილი პოსტი გამოაქვეყნა, რომლის აღწერიდანაც ირკვევა, რომ წყვილმა პირველ ვაჟს სახელად RZA დაარქვა.
„ვულოცავ პირველ დაბადების დღეს ჩემს პირველ შვილს – RZA-ს“ – წერია გამოქვეყნებული ვიდეოებისა და ფოტოების სერიის აღწერაში. A$AP Rocky-მ პოსტში Wu-Tang-იც მონიშნა, რადგანაც ჰიპ-ჰოპ ჯგუფის ფრონტმენის სასცენო სახელი სწორედ RZA არის.
რეპერის მიერ გამოქვეყნებული კადრები აერთიანებს ოჯახურ ფოტოებს და ვიდეოებს.
ორი დღის წინ, Daily Mail-მა გაავრცელა ინფორმაცია, რომ გამოცემამ რიანას და A$AP Rocky-ის შვილის დაბადების მოწმობა მოიპოვა და ბავშვის სრული სახელი RZA ათელსტონ მეიერსი იყო. ინფორმაციის გავრცელების შემდეგ, წყვილს Billboard ოფიციალური კომენტარისთვის დაუკავშირდა.
ამჟამად რიანა და A$AP Rocky მეორე შვილს ელოდებიან.
ნახეთ წყვილის ფოტოები, რომელიც რეპერმა A$AP Rocky-მ შვილის დაბადების დღის აღსანიშნავად ინსტაგრამზე გამოაქვეყნა:
