ილონ მასკმა დაადასტურა, რომ ტვიტერის ახალი CEO NBCUniversal-ის ლინდა იაკარინოა, რომელსაც დიდი კავშირი აქვს სარეკლამო ინდუსტრიასთან.
„მოხარული ვარ, წარმოგიდგინოთ ლინდა იაკარინო ტვიტერის ახალი თავმჯდომარის პოზიციაზე! “- დაწერა მასკმა ტვიტერზე და დაამატა, რომ იაკარინო ძირითადად ბიზნეს ოპერაციებზე იქნება ორიენტირებული, თავად მასკი კი პროდუქტის დიზაინსა და ტექნოლოგიებს უხელმძღვანელებს.
ლინდა იაკარინო 12 წლის განმავლობაში NBCUniversal-ისთვის მუშაობდა, სადაც 2011 წლის შემდეგ მისმა გუნდმა 100 მილიარდი დოლარის რეკლამა გამოიმუშავა. LInkedIn-ის მიხედვით, იაკარინო მანამდე NBC-ის სარეკლამო სამსახურს ხელმძღვანელობდა. კიდევ უფრო ადრე კი, თითქმის 20 წლის განმავლობაში, მუშაობდა გასართობი ინდუსტრიის საერთაშორისო კომპანიაში Turner.
Სარეკლამო სფეროს სპეციალისტები ფიქრობენ, რომ იაკარინოს შეუძლია აღადგინოს რეკლამის დამკვეთების ნდობა ტვიტერის მიმართ.
„თუ ვინმეს შეუძლია გადმოთარგმნოს მასკის ხედვა მარკეტერების სასარგებლოდ, ეს სწორედ ის იქნება,” – ამბობენ იაკარინოზე.
თავად ილონ მასკი უკვე დიდი ხანია ამბობს, რომ არ აპირებს, მუდმივად დარჩეს ტვიტერის დირექტორის პოზიციაზე. რამდენიმე დღის წინ კი „ტესლას” დამფუძნებელმა განაცხადა, რომ იგი ტვიტერის აღმასრულებელი თავმჯდომარისა და მთავარი ტექნოლოგის თანამდებობაზე გადაინაცვლებს.
