სემ სმითმა ფანები ახალი თიზერით გააოცა, რომელშიც, არც მეტი, არც ნაკლები, მადონასთან თანამშრომლობას აანონსებს.
ვიდეოში, რომელიც სმითმა სოციალურ ქსელში დადო, შავ ეკრანზე ეწერება: „სემი და მადონა”. თავიანთ სახელებს კი თავად მუსიკოსები ახმოვანებენ.
Სმითს დუეტის შესახებ დამატებითი ინფორმაცია არ გაუვრცელებია, თუმცა ამის გარეშეც ფანები და მეგობრები ამბობენ, რომ ეს ნამდვილად საკულტო თანამშრომლობა იქნება.
სემ სმითმა თავისი ბოლო ალბომი Gloria იანვარში გამოუშვა. მადონა კი დაგეგმილი ტურნესთვის ემზადება, რომელიც 15 ივლისს ვანკუვერში დაიწყება და მომღერლის შარშან გამოცემულ ალბომს Finally Enough Love: 50 Number Ones ეძღვნება. ალბომი შედგება იმ რეკორდული 50 სიმღერისგან, რომლებიც სხვადასხვა დროს ბილბორდის Dance Club Songs ჩარტში პირველ ადგილზე მოხვდა. Პირველ ადგილზე გასული სიმღერების ეს რაოდენობა ბილბორდის ჩარტების რეკორდია.
Ნახეთ სემ სმითისა და მადონას ვიდეო
— SAM SMITH (@samsmith) May 24, 2023
