P!nk-მა ინსტაგრამზე უიკენდზე გადაღებული ფოტოები გამოაქვეყნა. პირველ მათგანში მომღერალი ბანანის პრინტიან საცურაო კოსტიუმში პოზირებს. „ტბაზე გატარებული უიკენდი და ახალი სასაცილო საცურაო კოსტიუმი,” – წერს მომღერალი.
მეორე ფოტოში კი P!nk-ი ბუნებაში შხაპს იღებს. „თუ ბუნებაში შხაპი არ მიგიღიათ მაშინ, როცა თქვენი ქმარი ყოველ 5 წუთში ერთხელ თქვენს შეშინებას ცდილობს, ჩათვალეთ, რომ არ გიცხოვრიათ!!!” იხუმრა მომღერალმა მეუღლეზე – კერი ჰარტზე, რომელთანაც 2006 წლიდან ქორწინებაშია.
P!nk-მა ახლახან მისი მეცხრე სტუდიური ალბომი Trustfall გამოუშვა, რომელიც, როგორც ბილბორდთან ინტერვიუში განაცხადა, მისი ერთ-ერთი ყველაზე საყვარელი პროექტია. „ვფიქრობ, ერთ-ერთი საუკეთესო ჩანაწერია, რაც კი ოდესმე გამიკეთებია. ისეთივე შეგრძნება მაქვს, როგორიც მქონდა Missundaztood, I’m Not Dead და ალბათ The Truth About Love-ზეც. აღტაცებული ვარ.”
24 ივლისს კი მომღერალი საზაფხულო ტურნეში გაემგზავრება, რომლის ფარგლებშიც საკუთარ ჰიტებს ჩრდილოეთ ამერიკის გარშემო შეასრულებს.
ნახეთ P!nk-ის ფოტოები
