ნახეთ: HBO Max-მა სერიალ The Idol-ის ახალი ტრეილერი გამოაქვეყნა

ვიდეოდან მაყურებელი სერიალის სიუჟეტის შესახებ უფრო მეტ დეტალს იგებს.
The Idol/HBO Max


HBO Max-ის ხმაურიანად დაანონსებული სერიალის, The Idol-ის საჯარო პრემიერამდე ერთ კვირაზე ნაკლები რჩება. ახლახან ინტერნეტში შოუს კიდევ ერთი ოფიციალური ტრეილერი გავრცელდა.

ვიდეოდან მაყურებელი სერიალის სიუჟეტის შესახებ უფრო მეტ დეტალს იგებს.  ტრეილერი The Weeknd-ის პერსონაჟის შესახებ მინიშნებებს შეიცავს. ფრაგმენტულ კადრებში ნაჩვენებია, თუ როგორ მანიპულირებს კულტის ლიდერად ქცეული ღამის კლუბის მფლობელი, სახელად ტედროსი ლილი-როუზ დეპის პერსონაჟზე. ლილი-როუზ დეპი სერიალში პოპ ვარსკვლავს განასახიერებს, რომელიც კარიერული აღმასვლის ეტაპზეა. 

სხვადასხვა პერსონაჟის საუბრის ფრაგმენტებით მაყურებელი იგებს, რომ  The Weeknd-ის პერსონაჟი ლილი-როუზ დეპის გმირს რაციონალურად აზროვნების უნარს აკარგვინებს და მის ცხოვრებასა და კარიერაზე სრულ კონტროლს იღებს.

The Idol -ის კონცეფცია The Weeknd-ს ეკუთვნის, ხოლო სერიალის რეჟისორი სემ ლევინსონია. ნამუშევრის დახურული პრემიერა კანის კინოფესტივალზე შედგა. ჩვენების შემდეგ მან ხუთწუთიანი ოვაციები დაიმსახურა. მიუხედავად ამ გამოხმაურებისა, ინტერნეტში შოუს შესახებ ნეგატიური შეფასებებიც გავრცელდა. სერიალი  HBO Max-ზე ხელმისაწვდომი 4 ივნისიდან იქნება.

The Idol  განსაკუთრებული ვარსკვლავური სამსახიობო შემადგენლობით გამოირჩევა. სერიალში მონაწილეობენ თანამედროვე პოპ-კულტურის ისეთი ვარსკვლავები, როგორებიც არიან  ტროი სივანი,  BLACKPINK-ის წევრი ჯენი და სხვა ცნობილი სახეები.  სემ ლევინსონთან და The Weeknd-თან ერთად, შოუს შემქმნელი რეზა ფაჰიმიც არის.

ნახეთ The Idol-ის ახალი ტრეილერი:

Share
Tweet
Share
Share
Share

წინა სტატია

„რესპუბლიკაში” ცნობილი გერმანული ჯგუფის – De-Phazz-ის კონცერტი გაიმართება

შემდეგი სტატია

P!nk-ი ბანანის პრინტიან საცურაო კოსტიუმში პოზირებს

შეიძლება დაგაინტერესოთ

რობერტ დე ნირო 2025 წლის 17 მარტი, ნიუ იორკი. ფოტო: სინდი ორდი /Getty Images for SiriusXM

რობერტ დე ნირომ დაადასტურა, რომ არიანა გრანდე ოფიციალურად შეუერთდება Meet the Parents 4-ის გუნდს

ლეგენდარულმა მსახიობმა იხუმრა კიდეც, რომ სერიალის მეოთხე ნაწილში ის ოსკარზე ნომინირებულ Wicked-ის ვარსკვლავთან ერთად იმღერებს.
მეტი

კენდრიკ ლამარი, SZA და კრის ბრაუნი 2025 წლის BET Awards-ის რეკორდსმენები გახდნენ

ლუთერ ვანდროსი ფანებმა ორ კატეგორიაში გაიხსენეს: გარდა იმისა, რომ Luther-მა საუკეთესო კოლაბორაციაში გაიმარჯვა, დოკუმენტური ფილმი Luther: Never Too Much საუკეთესო ფილმად დასახელდა.
მეტი

მსოფლიოში ერთ-ერთი ყველაზე ცნობილი K-POP ჯგუფის ახალი ვიდეო საქართველოშია გადაღებული

ცნობილმა K-POP ჯგუფმა, სახელწოდებით ITZY ახალი მუსიკალური ვიდეო – Girls Will Be Girls გამოუშვა. კლიპი საქართველოშია გადაღებული და…
მეტი