თუფაქ შაკური ჰოლივუდის დიდების ხეივანში საკუთარ ვარსკვლავს მიიღებს 

ეს აღიარება რეპერმა მისი მკვლელობიდან 27 წლის შემდეგ მოიპოვა.
თუფაქ შაკური, 1994 წელი
Raymond Boyd/Getty Images

7 ივნისს ჰოლივუდის დიდების ხეივანში რეპერის, პოეტისა და მსახიობის, თუფაქ შაკურის ვარსკვლავი გაიხსნება.

„თუფაქ შაკური იყო რეპერი, მსახიობი, აქტივისტი, პოეტი და რევოლუციონერი,” – ამბობს ანა მარტინესი, ჰოლივუდის დიდების ხეივნის პროდიუსერი. „ეს საკულტო არტისტი გარდაცვალებიდან დეკადების შემდეგაც განაგრძობს, იყოს ეპოქის სულის ნაწილი და ის კიდევ დიდხანს იქნება მნიშვნელოვანი კულტურული ფიგურა. Რა თქმა უნდა, თუფაქის ვარსკვლავი ყველაზე ხშირად მონახულებად ვარსკვლავთა სიას შეემატება.”

ნიუ-იორკში დაბადებული შაკური, რომელმაც ცხოვრების მთავარი წლები კალიფორნიაში გაატარა, West Coast-ის ლეგენდად იყო აღიარებული. ის გახდა შთაგონება მთელი მსოფლიოს მასშტაბით ისეთი მუსიკოსებისთვის, როგორებიც არიან კენდრიკ ლამარი, ემინემი, დრეიკი, ედ შირანი, ჯასტინ ბიბერი და სხვები.

შაკური ხელოვნების სკოლაში სამსახიობო ოსტატობას, პოეზიას, ჯაზსა და ბალეტს სწავლობდა. როგორც სოლო არტისტი, თუფაქმა მისი სადებიუტო ალბომი 2Pacalypse Now 1991 წელს გამოსცა. ამის შემდეგ მან კიდევ სამი ალბომის გამოცემა მოასწრო და 25 წლის ასაკში რეპერი სროლის შედეგად მოკლეს. თუფაქის ყველა ალბომი ბილბორდის 200 ალბომის ჩარტში მოხვდა. მათ შორის All Eyez on Me და Me Against the World ჩარტის ლიდერები გახდნენ. გარდაცვალების შემდეგ თუფაქის კიდევ ექვსი ალბომი გამოვიდა. 2017 წელს შაკური გახდა პირველი სოლო ჰიპ-ჰოპ არტისტი, რომელიც როკ-ენ-როლის დიდების დარბაზში შევიდა. როგორც მსახიობს, მას შესრულებული აქვს როლები ფილმებში Juice, Poetic Justice, Above The Rim და  Gridlock’and Gang Related.

Share
Tweet
Share
Share
Share

წინა სტატია

We Are the World-ის ვარსკვლავურ შემსრულებელთა შორის ტინა ტერნერი მეათე გარდაცვლილია

შემდეგი სტატია

The Weeknd მადონას და Playboi Carti-ის შესრულებით The Idol-ის ახალ საუნდტრეკს აანონსებს

შეიძლება დაგაინტერესოთ

მუსიკოსები და სხვა ცნობილი ადამიანები ტრამპის მკვლელობის მცდელობას სოციალურ ქსელებში ეხმიანებიან

ნასროლი ტყვია ტრამპს სიტყვის გამოსვლისას ყურთან მოხვდა, რის შემდეგაც იგი დაცვამ სცენიდან დაუყოვნებლივ გაიყვანა.
მეტი