ლიზოს თქმით, ონლაინ „ბოდიშეიმინგის” შემდეგ შემოქმედების გაგრძელების ძალა ბიონსემ მისცა

ახალ TikTok ვიდეოში ლიზო ფანებს უზიარებს, თუ როგორ ეხმარება ბიონსეს ალბომი Renaissance ონლაინ ბულინგის მანკიერ ტალღასთან გამკლავებაში. 

„დღეს ერთ-ერთი ის დღე იყო, როცა ძალიან გაბრაზებული ვიყავი – ძალიან გაბრაზებული სამყაროზე. ბევრი გაბოროტებული ადამიანი მაბულინგებდა ინტერნეტში და ამის გამო დანებებას ვაპირებდი.” 

მიუხედავად იმისა, რომ ლიზოს ტვიტერის ანგარიში საჯარო არ არის, მისი თქმით, სიძულვილის ენას მაინც აწყდება მონიშნულ პოსტებსა თუ „ნიუს ფიდში”. „თქვენ არ იცით, რამდენად ახლოს ვიყავი, რომ ყველაფრისთვის თავი დამენებებინა,” – წერს მომღერალი. 

თუმცა, როგორც აღმოჩნდა, ბიონსეს დახმარებით ის თავს ახლა გაცილებით უკეთ გრძნობს.  „არსებობს დღეები, როცა სიძულვილი გადაწონის ხოლმე სიყვარულს და ამ დროს მინდება, რომ შევეშვა მუსიკას და უბრალოდ გავქრე. შემდეგ კი ჩემს თავს ვახსენებ, რომ უნდა ავდგე, გარეთ გავიდე და ვისიამოვნო. და ამ დროს ვრთავ Renaissance-ს.

ლიზომ ბიონსეს ალბომიდან რამდენიმე მისთვის საყვარელი ტექსტიც გააზიარა და აღნიშნა, რომ ეს სიტყვები მას ძალას აძლევს.

ლიზო დიდი ხანია, რაც ბიონსეს ფანია და სწორედ მას ასახელებს თავისი შემოქმედების შთაგონებადაც. როცა 2023 წელს წლის ჩანაწერისთვის გრემის მფლობელი გახდა, ლიზომ ბიონსეს სცენიდან მადლობა გადაუხადა. 

„შენ ჩემი ცხოვრება შეცვალე. დიდი მადლობა. შენ ნამდვილად ჩვენი ცხოვრების არტისტი ხარ!”

ნახეთ ლიზოს TikTok

@lizzo

Get Up, Get Out, Get sum Sun: RELEASE THE WIGGLE

♬ CHURCH GIRL – Beyoncé