ედ შირანის სიმღერის Thinking Out Loud-ის სასამართლო პროცესი პირველი მსგავსი შემთხვევა არ არის, თუმცა ის ნამდვილად გახდა პრეცედენტული საქმე მუსიკალური თანამშრომლობის განვითარებისთვის. როგორ იმოქმედებს შირანის შემთხვევა მუსიკალურ ინდუსტრიაზე და რამ უბიძგა ბოლო დროს საავტორო უფლებებზე სასამართლო დავების ზრდას?
Billboard Explains-ის ბოლო ეპიზოდი სწორედ მუსიკალური საავტორო უფლებების სასამართლო პროცესებს შეეხო. ვიდეო შირანის Thinking Out Loud-ის საქმით იწყება, რომელსაც ბრალს სდებდნენ მარვინ გეის ჰიტის Let’s Get It On-ის მოპარვაში.
მარვინ გეის ოჯახმა და სიმღერის თანაავტორმა ედ ტაუნსენდმა ედ შირანი საავტორო უფლებების დარღვევაში დაადანაშაულეს. თუმცა სასამართლომ დაადგინა, რომ ბრიტანელ მუსიკოსს თავის სიმღერაში გეის კომპოზიციის ელემენტები არ გადმოუკოპირებია.
მარვინ გეის ოჯახის სამიზნე ასევე იყვნენ Thicke და ფარელ უილიამსი, როცა ისინი მუსიკოსის 1977 წლის ჰიტის Got to Give It Up მოპარვაში დაადანაშაულეს. ამ შემთხვევაში კი Thicke-მა აღიარა, რომ მან შთაგონება ნამდვილად მარვინ გეის სიმღერიდან აიღო და აღნიშნა, რომ ეს მისი ერთ-ერთი ყველაზე საყვარელი კომპოზიცია იყო. მაშინ სასამართლომ მუსიკოსები დამნაშავედ ცნო და მარვინ გეის ოჯახისთვის 5 მილიონი დოლარისა და სიმღერის როიალტის 50 პროცენტის გადახდა დააკისრა.
თუ, ერთი მხრივ, Thicke-ის საქმემ არტისტებს პოტენციური სასამართლო დავების შიში გაუმძაფრა, მეორე მხრივ, ედ შირანის შემთხვევამ დაამტკიცა, რომ არტისტსაც აქვს შანსი, წარმატებით დაიცვას თავისი ნამუშევარი და ბოლომდე იბრძოლოს, ნაცვლად იმისა, რომ საქმე გარიგებით დაასრულოს
ნახეთ Billboard Explains-ის ბოლო ეპიზოდი
