ფესტივალი „თბილისი-რიტმი” 2023

ფესტივალი კაილ ისტვუდის კვინტეტმა გახსნა.

24 ივნისს ფესტივალი „თბილისი-რიტმი” დაიწყო. ფესტივალი კაილ ისტვუდის კვინტეტმა გახსნა პროექტით Eastwood Symphonic, რომელიც კლინტ ისტვუდის კინომუსიკის ახალ ვერსიებს აერთიანებს. 

ანი ლაღიძე – ფესტივალის დამფუძნებელი:

„კაილ ისტვუდის კვინტეტი უკვე მეორედ სტუმრობს ჩვენს ფესტივალს. ამ პროექტის პრემიერას მე თავად დავესწარი ლიონში და აღტაცებული ვიყავი. ჩემი ამბიცია იყო, რომ ის თბილისში ჩამომეტანა. არანჟირება და გაორკესტრება ეკუთვნის ჩვენ მიერ მოწვეულ დირიჟორს, გრემის მფლობელ გასტ ვალცინგს. ეს რაც შეეხება ფესტივალის გახსნას. დახურვაზე კი გადავწყვიტეთ, ორი პროგრამა შეგვეერთებინა – ქართული პოლიფონიური მუსიკის ანსამბლი „იბერი”, რომელსაც აქამდე საქართველოში კონცერტი არ ჰქონია, რადგან სულ საერთაშორისო ფესტივალებში მონაწილეობენ. და ასევე ფესტივალს დახურავს ბრაზილიელი ვირტუოზი მანდოლინისტი ჰამილტონ დე ჰოლანდა. ჩემი დიდი სურვილი და ინტერესი იყო, რომ ქართული პოლიფონია დახვედროდა ბრაზილიურ მუსიკალურ ჟანრს, რასაც ჰქვია ბოსა-ნოვა.”

ფესტივალი „თბილისი-რიტმი” 2017 წელს დაარსდა. 2020 წლიდან კი ის ქართველი კინოსა და თეატრის მსახიობის სოსო ლაღიძის სახელს ატარებს. წელს „თბილისი-რიტმი” ორი საფესტივალო დღისგან (24 და 28 ივნისი) შედგება. 

Share
Tweet
Share
Share
Share

წინა სტატია

Kaleo და Rejjie Snow Tbilisi Open Air-ის სცენაზე – მეორე საფესტივალო დღის მიმოხილვა

შემდეგი სტატია

Tbilisi Open Air 2023 – დასკვნითი დღე

შეიძლება დაგაინტერესოთ

ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი

წინანდალში ბერლინის ფილარმონიული ორკესტრი „ევროპაკონცერტს” გამართავს

კონცერტი მაესტრო დანიელ ბარენბოიმის დირიჟორობით 2024 წლის 1-ელ მაისს წინანდლის ამფითეატრში გაიმართება. კონცერტში მონაწილეობას მიიღებს ქართველი მევიოლინე ლიზა ბათიაშვილი.
მეტი