კიმ კარდაშიანი იტალიური Vogue-ის ახალი ნომრის ყდაზეა. ყდის გამოქვეყნებასთან ერთად, ჟურნალმა ვარსკვლავთან ჩაწერილი ვრცელი ინტერვიუც გაავრცელა. ინტერვიუში კარდაშიანმა შვილების თანდასწრებით საკუთარი ემოციების მართვაზე ისაუბრა.
„თავდაჭერა მამაჩემისაგან ვისწავლე და ის, თუ როგორ უნდა ვიყო მშვიდი და გაწონასწორებული. მაშინაც კი, როდესაც იგი ჩვენზე ბრაზდებოდა, გვესაუბრებოდა. მამა ამბობდა: „აქ მოდით, სალაპარაკო გვაქვს“. – ასე გაიხსენა კიმ კარდაშიანმა მამა. რეალითი შოუს ვარსკვლავის თქმით, დედამისი – კრის ჯენერი შედარებით განსხვავებულია. „როდესაც დედა ბრაზდებოდა, ეს საკმაოდ სასაცილო იყო, რადგან ჩვენს სახელებს სწორად ვერ წარმოთქვამდა და ერთმანეთში ერეოდა. მე ხან კორტნის მეძახდა, ხან კაილის…“ – თქვა კიმ კარდაშიანმა.
როგორც ვარსკვლავი აღნიშნავს, შვილების მიმართ ზომიერად ემოციური და ამავდროულად მშვიდია. კიმ კარდაშიანს ყოფილი ქმრის, კანიე უესტისგან სამი შვილი ჰყავს. „სამწუხაროა, რომ ჩემი შვილების მამასა და ჩემ შორის კონფლიქტია. ვცდილობ, ემოციები ვაკონტროლო“ – ამბობს ვარსკვლავი ინტერვიუში. “Მზად უნდა ვიყო, რომ ავხსნა, თუ რატომ გვაქვს უთანხმოება და ეს მათთვის მოსასმენად, შესაძლოა, შეუფერებელო იყოს.“ – თქვა Vogue Italia-სთან საუბრისას კარდაშიანმა. როგორც მან აღნიშნა, თუკი განცდები ისეთ საკითხებთან არის დაკავშირებული, რისი გაგებაც ბავშვებს შეუძლიათ, მაშინ ის საკუთარ თავს ემოციების ჩვენების უფლებას სძლევს.
კიმ კარდაშიანმა კანიე უესტთან განქორწინებაზე განაცხადი 2021 წლის თებერვალში, ქორწინების მეექვსე წელს შეიტანა. ორივე მხარე თავდაპირველად ა ამბობდა, რომ მეგობრულ დამოკიდებულებას შეინარჩუნებდნენ, თუმცა ყოფილ ცოლ-ქმარს შორის დაძაბული ურთიერთობა ჩამოყალიბდა. კონფლიქტი განსაკუთრებით მას შემდეგ გამძაფრდა, რაც 2022 წელს კიმ კარდაშიანისა და პიტ დევიდსონის რომანის შესახებ ცნობები საჯაროდ დადასტურდა.
ნახეთ Vogue Italia-ს ყდა, რომელზეც კიმ კარდაშიანის ფოტოა დაბეჭდილი:
