შაკირა ყოველთვის ძალიან გახსნილი და გულწრფელია მისი და ჟერარდ პიკეს დაშორებაზე საუბრისას. ახლახან კი მომღერალმა თავისი განცდები კიდევ ერთხელ გააზიარა.
ესპანურ გამოცემასთან ინტერვიუში შაკირა იმ გარემოებებზე საუბრობს, რამაც წყვილის დაშორება მისთვის კიდევ უფრო გამანადგურებელი გახადა. „ყველაფერი ერთად მოხდა, ჩემი ოჯახი ნაწილებად იშლებოდა. მე პრესაში ვაწყდებოდი ინფორმაციას, რომ მიღალატეს მაშინ, როდესაც მამაჩემი საავადმყოფოში იწვა. ვფიქრობდი, რომ ამას ვერ გავუძლებდი.”
წყვილმა დაშორება 2022 წლის ივნისში ერთობლივი განცხადებით დაადასტურა. „ვწუხვართ, რომ ჩვენი დაშორება უნდა დავადასტუროთ. ჩვენი შვილების კეთილდღეობისთვის, რაც ჩვენი ყველაზე დიდი პრიორიტეტია, გთხოვთ, რომ ჩვენი პირადი სივრცე დაიცვათ”. Შაკირა და პიკე ერთად 11 წლის განმავლობაში იყვნენ. მათ ორი შვილი ჰყავთ.
ბოლო წლების განმავლობაში წყვილის დაშორების შესახებ ბევრი ჭორი ვრცელდებოდა. შაკირასთვის, როგორც აღმოჩნდა, მამის ჯანმრთელობის მდგომარეობამ დაშორების ტკივილი კიდევ უფრო გაამძაფრა. „კაცი, რომელსაც ყველაზე მეტად ვუყვარდი – მამაჩემი – ჩემ გვერდით არ იყო, როცა ყველაზე მეტად მჭირდებოდა. მე არ შემეძლო მასთან ლაპარაკი და რჩევის მიღება ჩემი საუკეთესო მეგობრისგან.”
პირადი დრამის მიუხედავად, შაკირას ახალი მუსიკის გამოშვება არ შეუწყვეტია. წელს უკვე მისი ორი სიმღერა Billboard-ის „ცხელი ასეულის” ტოპ ათეულში შევიდა.
