The Great Georgian Songbook – მუსიკოსმა გიორგი მიქაძემ პარიზის ხმისჩამწერ სტუდიაში ალბომი ჩაწერა

ფოტო: ევა კაპანაძე

გიორგი მიქაძე იმ ქართველი მუსიკოსების რიგებს მიეკუთვნება, ვინც თანამედროვე მსოფლიო მუსიკალურ ინდუსტრიაში თავი დაიმკვიდრეს. ხელოვანის მუსიკალური შემოქმედება მრავალმხრივია: იგი ავტორიტეტული სასწავლებლის – Berklee College of Music-ის ასოცირებული პროფესორია და საკომპოზიტორო, საშემსრულებლო, საპროდიუსერო საქმიანობასთან ერთად, პედაგოგიური მიმართულებითაც მოღვაწეობს. 

გიორგი მიქაძის მუსიკალურ შემოქმედებაში ამჯერად კიდევ ერთი მნიშვნელოვანი სიახლეა. იგი ამჟამად საფრანგეთში იმყოფება, სადაც პარიზის ერთ-ერთ პრესტიჟულ ხმისჩამწერ სტუდიაში Studio SEXTAN საავტორო პროექტი The Great Georgian Songbook („ქართულ სიმღერათა კრებული“) ჩაწერა. მუსიკალური ალბომის მასტერინგსა და მიქსინგზე ნიუ ორლეანის „გრემის“ მფლობელმა ხმისჩამწერმა სტუდია Esplanade Studios-მა იმუშავა. გიორგი მიქაძის საავტორო ალბომის The Great Georgian Songbook ჩაწერის და გამოცემის გენერალური სპონსორია Club Iveria.

განსაკუთრებით აღსანიშნავია პროექტის ინსპირაცია; ალბომის შთაგონებად ცნობილ ქართველი კომპოზიტორების კინო და თეატრალური მუსიკის შედევრები იქცა, ის ნაწარმოებები, რომლებიც ქართული მუსიკის ოქროს ფონდს წარმოადგენს. ალბომში შესულია გია ყანჩელის, ჯანსუღ კახიძის, დავით თორაძის, სულხან ცინცაძის, შოთა მილორავას, ნოდარ გაბუნიას, რუსუდან სებისკვერაძის და სხვა კომპოზიტორთა ნაწარმოებები. მუსიკოსმა სწორედ ამ ნამუშევრების საფუძველზე შექმნილი სიმღერები კრებულად გააერთიანა და თანამედროვე მსოფლიოს ახალი სახით წარუდგინა. 

ალბომში შესული სიმღერის არანჟირება კლასიკური ჯაზ-ტრიოს ფორმატშია გადაწყვეტილი. მუსიკოსი შემოქმედებით პროცესს პროფესიონალიზმით და მაქსიმალური სიფრთხილით ეკიდება: ავტორისეულ პირველწყაროს და სტილისტურ ესთეტიკას გიორგი მიქაძე ჯაზ-სტანდარტის კლასიკურ ფორმაში აქცევს. ჯაზ-ტრიოს შემადგენლობაში არიან გიორგი მიქაბერიძე (ფორტეპიანო), რაფაელ პანიე (დასარტყამი საკრავები) და ფრანსუა მოუთა (კონტრაბასი).

მუსიკალური პროექტის მიზანია მრავალრიცხოვანმა საერთაშორისო აუდიტორიამ ქართველი კომპოზიტორები აღმოაჩინოს და მათი შემოქმედება გაიცნოს. გიორგი მიქაძემ ქართული მუსიკალური შემოქმედება მსოფლიოს სხვადასხვა ქვეყანაში  გამართულ კონცერტზე წარადგინა. განსაკუთრებითთ აღსანიშნავია 20 აპრილის Harvard University-ში გამართული კონცერტი და ვაშინგტონის უძველეს ჯაზ-კლუბში – Blues Alley-ში 21 მაისის კონცერტი, რომელიც საქართველოს საელჩოს მხარდაჭერით, საქართველოს დამოუკიდებლობის დღის აღსანიშნავად შედგა.

გიორგი მიქაძე პროექტს 5 ივლისს, ბაქოს საერთაშორისო ჯაზ-ფესტივალზე, Baku Summer Jazz Days წარადგენს.

გიორგი მიქაძის პროექტის ორგანიზატორების და გენერალური სპონსორის Club Iveria-ს ინიციატივით, The Great Georgian Songbook-ის ალბომის პრეზენტაცია და კონცერტი თბილისში დეკემბრის თვეში შედგება.

Share
Tweet
Share
Share
Share

წინა სტატია

ტეილორ სვიფტის ფანმა კონცერტზე დასწრებისას თავისი ვინაობა დამალა

შემდეგი სტატია

ტვიტერმა პოსტების ნახვის რაოდენობა შეზღუდა

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი