ნახეთ ჰარი სტაილსის ახალი ვიდეოკლიპი სიმღერაზე Daylight

ეს ამ სიმღერაზე გადაღებული მეორე კლიპია.
ჰარი სტაილსი
Nathan Congleton/NBC via GI

ჰარი სტაილსმა ახალი ვიდეოკლიპი გადაიღო მისი ბოლო ალბომის სინგლზე სახელწოდებით Daylight.

ტანია მუინოს მიერ გადაღებულ ვიდეოში სტაილსი ცირკის ტერიტორიაზე აკრობატებს, ოჩოფეხებით მოსიარულე მსახიობებსა და ჯამბაზებს შორის დადის და თავადაც ასრულებს ძალოსნობის, ცხენზე ჯირითისა და ბაგირზე სიარულის ნომრებს.  ერთ-ერთ სცენაში ის ყვითელი ჩიტის კოსტიუმით დაფრინავს მას შემდეგ, რაც ცაში დიდი ზარბაზნით გაიტყორცნეს.

სტაილსს ამავე სიმღერაზე ვიდეოკლიპი ერთხელ უკვე გადაღებული აქვს. თუმცა ახალი ვიდეო ბევრად უფრო მაღალბიუჯეტიანია, ვიდრე პირველი. შარშან მომღერალმა ჯეიმს კორდენთან ითანამშრომლა და Daylight-ის ვიდეო 3 საათში 300 დოლარად გადაიღო.

„სიტყვებით ვერ გადმოვცემ. ეს ყველაფერი ჯეიმსის იდეა იყო” – იხუმრა სტაილსმა 2022 წელს გადაღებულ ვიდეოკლიპზე. „კრისტოფერ ნოლანის ფილმში ვიყავი. უკვე ძალიან გვიანია, რომ უბრალოდ Carpool Karaoke გავაკეთოთ?”

Daylight-ის ახალი და გაუმჯობესებული ვიდეო მოსდევს კლიპებს As It Was, Late Night Talking, Music for a Sushi Restaurant და Satellite. ხუთივე სიმღერა სტაილსის მესამე სტუდიურ ალბომში Harry’s House-შია შესული, რომელიც 2022 წლის მაისში გამოვიდა და ბილბორდის 200 ალბომის ჩარტის ლიდერიც გახდა. 

ჰარი სტაილსი ამჟამად თავის ორწლიან ტურნეს ასრულებს, რომელიც 2021 წლის სექტემბერში დაიწყო. ბოლო კონცერტს მომღერალი 22 ივლისს იტალიაში გამართავს.

ნახეთ Daylight-ის ახალი ვიდეოკლიპი

Share
Tweet
Share
Share
Share

წინა სტატია

The Chemical Brothers სტუდიურ ალბომს აანონსებს

შემდეგი სტატია

თუფაქ შაკურის გარდაცვალებიდან 25 წლის შემდეგ, მისი მკვლელობის საქმესთან დაკავშირებული საგამოძიებო მოქმედებები ჩატარდა

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი