The Chemical Brothers რიგით მე-10 სტუდიურ ალბომს, სახელწოდებით For That Beautiful Feeling 8 სექტემბერს გამოსცემს. LP პირველი მუსიკალური ჩანაწერია მას შემდეგ, რაც The Chemical Brothers-ის 2019 წლის ალბომი No Geography გამოვიდა. No Geography საუკეთესო საცეკვაო/ელექტრონული ალბომის კატეგორიაში ამერიკის ხმისჩამწერი აკადემიის რჩეული გახდა. ტრეკმა სახელწოდებით Eve Of Destruction კი გრემის ჯილდო საუკეთესო საცეკვაო/ელექტრონული ჩანაწერის ნომინაციაში მიიღო.
დაანონსებული ალბომი For That Beautiful Feeling 11 ტრეკს აერთიანებს. Მათ შორის არის უკვე გამოქვეყნებული სინგლები – No Reason, The Darkness That You Fear და Live Again. 19 ივლისს The Chemical Brothers-მა ტრეკზე Live Again გადაღებული მუსიკალური ვიდეოც გამოაქვეყნა. ვიდეოს რეჟისორები Dom & Nic არიან – რეჟისორების დუეტი, რომლებიც The Chemical Brothers-თან უკვე დიდი ხანია თანამშრომლობენ.
For That Beautiful Feeling ინგლისში The Chemical Brothers-ის სტუდიაში ჩაიწერა. გავრცელებულ პრეს რელიზში ალბომი აღწერილია, როგორც „ჩანაწერი, რომელიც აღწერს იმ მომენტს, როცა მუსიკა სრულიად გიპყრობს. ეს არის ალბომი, რომელიც ზუსტად იმ მომენტს ასახავს, როცა კონტროლს კარგავ, მუსიკას ნებდები და საშუალებას აძლევ უხილავი ძაფებით გმართოს.“
ალბომის გამოსვლის შემდეგ, 26 ოქტომბერს The Chemical Brothers-ის შესახებ წიგნი, სახელწოდებით Paused in Cosmic Reflection გამოიცემა. წიგნი მკითხველს ელექტრონული მუსიკალური ჯგუფის 30-წლიანი კარიერის შესახებ უყვება. Paused in Cosmic Reflection ასევე აერთიანებს ჯგუფის კოლეგების და მეგობრების ინტერვიუებს. მათ შორის არის: ნოელ გალაჰერი, აურორა, Beck და სხვები. ეს ძირითადად ის მუსიკოსები არია, ვისთანაც The Chemical Brothers-ს სხვადასხვა დროის მუსიკალური კოლაბორაცია აკავშირებს.
ნახეთ The Chemical Brothers-ის მუსიკალური ვიდეო Live Again:
