Will.i.am-მა და ბრიტნი სპირსმა ახალი ერთობლივი ტრეკი, სახელწოდებით Mind Your Business გამოუშვეს. ეს Will.i.am-ის და სპირსის მეორე მუსიკალური თანამშრომლობაა მას შემდეგ, რაც 2012 წელს არტისტებმა Scream & Shout ჩაწერეს.
ახალი სიმღერა Mind Your Business გამოქვეყნებამდე რამდენიმე დღით ადრე დაანონსდა. აღსანიშნავია, რომ ტრეკში მსმენელს ესმის ფრაზები, რომლებიც Scream & Shout-ის ტექსტში ჟღერდება.
Scream & Shout არტისტებისათვის წარმატებული თანამშრომლობა იყო. ჰიტი Billboard Hot 100-ის ჩარტერში მე-3 ადგილს იკავებდა, მუსიკალურ ვიდეოს კი Youtube-ზე მილიარდზე მეტი ნახვა აქვს. რაც შეეხება ახალ სიმღერას, Mind Your Business სპირსისთვის პირველი მუსიკალური ნამუშევარია მას შემდეგ, რაც 2016 წელს ალბომი სახელწოდებით Glory გამოსცა.
ახალი ტრეკის დაანონსებას წინ ბრიტნის მემუარების გამოცემის შესახებ სიახლე უძღოდა. მომღერლის მემუარები, რომელსაც აუდიტორია დიდხანს ელოდა უკვე დაიბეჭდა და მისი გამოცემის თარიღიც ცნობილია. გამომცემლობამ, სახელწოდებით Simon & Schuster imprint Gallery Books განაცხადა, რომ ავტობიოგრაფიული წიგნის The Woman in Me მკითხველისათვის ხელმისაწვდომი 2023 წლის 24 ოქტომბრიდან იქნება.
მოუსმინეთ სიმღერას Mind Your Business:
