Yeah, I F–ked That Up პოდკასტში კელი როულენდმა მისი ერთ-ერთი ყველაზე უხერხული მომენტი გაიხსენა.
პოდკასტის წამყვანმა როულენდს ჰკითხა, თუ რა იყო ყველაზე დიდი შეცდომა, რაც კი მომღერალს დაუშვია. როულენდმა კი უპასუხა, რომ მან შემთხვევით გაამჟღავნა, რომ ბიონსე და ჯეი-ზი გოგოს ელოდებოდნენ. Როულენდი 2011 წელს მიცემულ ინტერვიუს გულისხმობდა, სადაც თქვა, რომ ჯეი-ზი თავის პატარა გოგონას ყველაფერს შეუძენდა, რისი ყიდვაც კი შესაძლებელი იყო.
„ღმერთო ჩემო, როცა ეს შეცდომა დავუშვი და ბიონსეს ბავშვის სქესი გავამხილე, როცა ის ბლუ აივიზე იყო ორსულად, ეს იყო ყველაზე ცუდი მომენტი. ჩემს ცხოვრებაში ყველაზე ცუდი მომენტი, რადგან ეს არავის საქმე არ იყო. თავს საშინლად ვგრძნობდი, რადგან ეს ჩემი ამბავი არ იყო. ეს ჩემგან გასაზიარებელი ამბავი არ იყო და ეს არც მინდოდა. უბრალოდ წამომცდა.”
საბედნიეროდ, ამ ინციდენტს Destiny’s Child-ის წევრების ურთიერთობაზე არ უმოქმედია. ბიონსე და კელი როულენდი დღემდე მეგობრობენ.
