შეერთებული შტატების ყოფილი პრეზიდენტი ბარაკ ობამა ერთ-ერთი ის ცნობილი ადამიანია, რომელიც სოციალურ მედიაში მუსიკალურ რეკომენდაციებს ხშირად აქვეყნებს. ამჯერად ობამამ საზაფხულო სიმღერების ფლეილისტი გააზიარა. ფლეილისტი მოიცავს ისეთ არტისტებს, როგორებიც არიან Ice Spice, ნიკი მინაჟი, SZA, ლეონარდ კოენი და სხვა ცნობილი არტისტები
„ყოველი წლის მსგავსად, ამჯერადაც ვაზიარებ სიმღერებს, რომელსაც ამ ზაფხულის განმავლობაში ვუსმენ – ეს არის ახალი და ძველი კომპოზიციების ნაზავი.“ – წერს ბარაკ ობამა ტვიტერზე. „მოუთმენლად ველოდები გავიგო, თუ რა გამომრჩა“.
გაზიარებულ სიმღერებს შორის არის SZA-ს Snooze, J Hus-ის და Drake-ის Who Told You, Ice Spice-ის და Nicki Minaj-ის Princess Diana. ობამას ფლეილისტმა ჟანრობრივად მრავალფეროვანია – ყოფილი პრეზიდენტის რჩეულ კომპოზიციებში მოხვდა ქანთრის შემსრულებელი ლუკ კომბსი და ინდი როკის შემსრულებელი ფიბი ბრიჯერსი. რაც შეეხება კლასიკურ კომპოზიციებს, ბარაკ ობამას 2023 წლის საზაფხულო ფეილისტში ვხვდებით მარვინ გეის, სტივი უანდერს, ბობ დილანს, ოტის რედინგს და ელა ფიცჯერალდს.
როგორც ობამამ აღნიშნა, მან ბოლო წლების განმავლობაში სეზონური სიმღერების ფლეილისტის გაზიარება ტრადიციად აქცია. მაგალითად, 2022 წლის ბოლოს, ბარაკ ობამას ფლეილისტში გაერთიანდა კენდრიკ ლამარი, ბიონსე, ლიზო და გასული წლის ჰიტების სხვა ავტორები.
ნახეთ ბარაკ ობამას 2023 წლის საზაფხულო ფლეილისტი:
Like I do every year, here are some songs I’ve been listening to this summer — a mix of old and new. Look forward to hearing what I’ve missed. pic.twitter.com/H2Do2iaD1p
— Barack Obama (@BarackObama) July 20, 2023
