ჯეიმი ფოქსი ემოციურ ვიდეოში თავის ჯანმრთელობის მდგომარეობაზე საუბრობს: „ეს იყო მოგზაურობა ჯოჯოხეთამდე და უკან”

„ახლა ვბრუნდები და შემიძლია მუშაობა” – ამბობს მსახიობი ვიდეოში.
ჯეიმი ფოქსი
Richard Shotwell/Invision/AP/Shutterstock

ჯეიმი ფოქსი პირველად საუბრობს თავის ბოლოდროინდელ ჯანმრთელობის პრობლემაზე. 55 წლის მსახიობმა ინსტაგრამზე ჰოსპიტალიზაციის შემდგომი რეაბილიტაციის პროცესის შესახებ ემოციური ვიდეო გააზიარა. ფოქსს გადაუდებელი სამედიცინო დახმარება აპრილში დასჭირდა. 

„პირველ რიგში, ყველას მინდა მადლობა გადაგიხადოთ, ვინც ლოცულობდა და მესიჯებს მიგზავნიდა. ვერც კი შევძლებ იმის მოყოლას, თუ რამდენად შორს წამიყვანა ამან და როგორ დამაბრუნა უკან. ისეთი რაღაც გამოვიარე, რასაც ვფიქრობდი, რომ არასდროს გამოვივლიდი. ვიცი, რომ ბევრი ადამიანი ელოდება ინფორმაციას ჩემი მდგომარეობის შესახებ, მაგრამ სიმართლე გითხრათ, არ მინდოდა, რომ ასეთი გენახეთ. მინდა, რომ მნახოთ მოღიმარი, მხიარული. მნახოთ ფილმში, სატელევიზიო შოუში. არ მინდოდა, გენახეთ მილებით და შემდეგ გერკვიათ, შევძლებდი თუ არა აქედან თავის დაღწევას.”

ოსკარის მფლობელი მსახიობის ქალიშვილმა 12 აპრილს განაცხადა, რომ ჯეიმი ფოქსი „სამედიცინო ჩივილების” გამო საავადმყოფოში მოათავსეს. მსახიობის ოჯახს ავადმყოფობის შესახებ დამატებითი ინფორმაცია არ გაუზიარებია. 

ჯეიმი ფოქსს არც ამ ვიდეოში განუხილავს მისი ავადმყოფობის დეტალები, მაგრამ აღნიშნა, რომ მისმა დამ და ქალიშვილმა მისი სიცოცხლე გადაარჩინეს. მსახიობი ასევე მადლობას უხდის ღმერთს და საავადმყოფოს პერსონალს.

ფოქსი სოციალურ მედიაში გავრცელებულ ჭორებსაც გამოეხმაურა იმის შესახებ,  რომ ის დაბრმავდა ან პარალიზდა. 

„როგორც ხედავთ, ჩემი თვალები მუშაობენ. პარალიზებული არ ვარ, მაგრამ… ეს იყო მოგზაურობა ჯოჯოხეთამდე და უკან. ჩემი გამოჯანმრთელების გზასაც ჰქონდა ჩავარდნები. მაგრამ ახლა ვბრუნდები და შემიძლია მუშაობა.”

ფოქსმა ბოლოს მხარდაჭერისთვის მადლობა ფანებს გადაუხადა. „მიყვარხართ ყველა და მიყვარს ის სიყვარული, რომელიც მაქვს.”

ვიდეოს კომენტარებში მსახიობმა კომენტარებში ბევრი თბილი მესიჯი მიიღო. კომენტარების ავტორებს შორის იყვნენ უილ სმიტი, ჯასტინ ტიმბერლეიკი, პერის ჰილტონი, დუეინ ჯონსინი და სხვა ვარსკვლავები. 

ნახეთ ჯეიმი ფოქსის ვიდეო

Share
Tweet
Share
Share
Share

წინა სტატია

ბარაკ ობამამ 2023 წლის საზაფხულო სიმღერების ფლეილისტი გააზიარა

შემდეგი სტატია

On The Road- გერმანიაში Rockweise – ფესტივალზე

შეიძლება დაგაინტერესოთ

ტიმოთი შალამე Dune-ის მეორე ნაწილის პრემიერაზე, 2024 წლის 25 თებერვალი, ნიუ იორკი.

ტიმოთი შალამე ბობ დილანის როლში, ფოტოები ფილმ A Complete Unknown-ის გადასაღები მოედნიდან

ჯეიმს მანგოლდის მიერ გადაღებულ ბობ დილანის ბიოგრაფიულ ფილმში ელ ფენინგი, მონიკა ბარბარო, ედ ნორტონი და ნიკ ოფერმანი თამაშობენ
მეტი
„ბოლო სეზონი“

ქართული სერიალი „ბოლო სეზონი“ და მისი საუნდტრეკი

„ხმის დიზაინი კინოში ისეთივე მნიშვნელოვანია, როგორც ვიზუალი. ხანდახან ბევრად უფრო მნიშვნელოვანიც. ხმის დიზაინს შეუძლია ერთი და იგივე სცენა ემოციურად რადიკალურად შეცვალოს მაყურებლისთვის.“
მეტი