მადონა საყვარელ ადამიანებს ჰოსპიტალიზაციის დროს მხარდაჭერისთვის მადლობას უხდის. 64 წლის პოპვარსკვლავი საავადმყოფოში ბაქტერიული ინფექციით მოხვდა, რომელიც მომღერლის მენეჯერის თქმით, საკმაოდ სერიოზული იყო.
„ოჯახისა და მეგობრების სიყვარული საუკეთესო წამალია. ერთი თვეა, რაც საავადმყოფოდან გამოვედი და ახლა შემიძლია ამის გამოხატვა,” – წერს მადონა. „როგორც დედა, სულ შვილების საჭიროებებით ხარ მოცული. მაგრამ როცა სიტუაცია გართულდა, ისინი დადგნენ ჩემ გვერდით. მე მათი ისეთი მხარე დავინახე, რომელიც აქამდე ნანახი არ მქონდა. და ეს ეხება ჩემი მეგობრების სიყვარულსა და მხარდაჭერასაც.”
წერილში მადონა იმ საჩუქრის შესახებაც წერს, რომელიც მენეჯერისგან მიიღო: „ენდი უორჰოლის მიერ გადაღებული კით ჰარინგის პოლაროიდი, სადაც მას მაიკლ ჯექსონის გამოსახულებიანი მოსაცმელი აცვია. ბრწყინვალების იდეალური სამკუთხედი. ვსლუკუნებდი, როცა ეს საჩუქარი გავხსენი, რადგან გავაანალიზე, თუ რამდენად იღბლიანი ვარ, რომ ცოცხალი ვარ და რამდენად გამიმართლა, რომ ამ ადამიანებს ვიცნობდი. მადლობა ყველა ჩემს ანგელოზს, რომელმაც დამიცვა და დარჩენისა და ჩემი საქმის გაგრძელების საშუალება მომცა!”
ნახეთ მადონას პოსტი
