ანგუს კლაუდი, Euphoria-ს მსახიობი, 25 წლის ასაკში გარდაიცვალა

HBO-ს სერიალში კლაუდი ნარკოდილერის როლს თამაშობდა.
ანგუს კლაუდი
Craig Barritt/Getty Images

ანგუს კლაუდი, HBO-ს სერიალის Euphoria-ს მსახიობი, 25 წლის ასაკში გარდაიცვალა. ინფორმაცია კლაუდის ოჯახმა გაავრცელა.

„დღეს ჩვენ საოცარ ადამიანს უნდა დავემშვიდობოთ. ანგუსი ყველა ჩვენგანისთვის განსაკუთრებული იყო როგორც მსახიობი, როგორც მეგობარი, როგორც ძმა და შვილი. გასულ კვირას მან მამამისი დაკრძალა და ძალიან უჭირდა ამ დანაკარგთან გამკლავება. ერთადერთი ის გვამშვიდებს, რომ ვიცით, ანგუსი ახლა მამასთანაა, რომელიც მისი საუკეთესო მეგობარი იყო. ანგუსი ღიად საუბრობდა თავის მენტალური ჯანმრთელობის პრობლემებზე და იმედი გვაქვს, რომ მისი გარდაცვალება სხვებისთვის შეხსენება იქნება, რომ ისინი მარტო არ არიან და ამ პრობლემებს ჩუმად არ უნდა ებრძოლონ,” – ვკითხულობთ განცხადებაში.

„იმედი გვაქვს, მსოფლიო მას დაიმახსოვრებს მისი იუმორით, სიცილითა და ყველას მიმართ სიყვარულით. გთხოვთ პირადი სივრცის დაცვას ამ გამანადგურებელ დანაკარგთან გამკლავების პროცესში.”

მსახიობის გარდაცვალებას გამოეხმაურა HBO-ც: „ძალიან დაგვამწუხრა ანგუს კლაუდის გარდაცვალებამ. ის საოცრად ნიჭიერი მსახიობი და Euphoria-ს ოჯახის საყვარელი წევრი იყო. ვუსამძიმრებთ მის მეგობრებსა და ოჯახის წევრებს.”

HBO-ს „ემის” მფლობელ სერიალში ნარკოდილერის როლის შეთავაზება კლაუდმა მანჰეტენის ქუჩაში სეირნობისას მიიღო. როლმა, რომელსაც ის ორი სეზონი ასრულებდა, კლაუდი ვარსკვლავად აქცია. 

Share
Tweet
Share
Share
Share

წინა სტატია

ჰოსპიტალიზაციის შემდეგ მადონა შვილებსა და მეგობრებს მადლობას უხდის

შემდეგი სტატია

შავი ზღვის რიგით მე-16 ფესტივალი ბათუმში

შეიძლება დაგაინტერესოთ

ფარელ უილიამსის ანიმაციურ-ბიოგრაფიული ფილმის თრეილერში ფარელს, Jay-Z-ის და კენდრიკ ლამარს ლეგოს სახით იხილავთ

ანიმაციურ - ბიოგრაფიულ ფილმში Piece by Piece გვენ სტეფანი, Snoop Dogg და ჯასტინ ტიმბერლეიკიც მონაწილეობენ.
მეტი
ტიმოთი შალამე Dune-ის მეორე ნაწილის პრემიერაზე, 2024 წლის 25 თებერვალი, ნიუ იორკი.

ტიმოთი შალამე ბობ დილანის როლში, ფოტოები ფილმ A Complete Unknown-ის გადასაღები მოედნიდან

ჯეიმს მანგოლდის მიერ გადაღებულ ბობ დილანის ბიოგრაფიულ ფილმში ელ ფენინგი, მონიკა ბარბარო, ედ ნორტონი და ნიკ ოფერმანი თამაშობენ
მეტი
„ბოლო სეზონი“

ქართული სერიალი „ბოლო სეზონი“ და მისი საუნდტრეკი

„ხმის დიზაინი კინოში ისეთივე მნიშვნელოვანია, როგორც ვიზუალი. ხანდახან ბევრად უფრო მნიშვნელოვანიც. ხმის დიზაინს შეუძლია ერთი და იგივე სცენა ემოციურად რადიკალურად შეცვალოს მაყურებლისთვის.“
მეტი