ლას-ვეგასის პოლიციამ ქარდი ბის ინციდენტი გამოიძია. მომღერალმა სცენიდან მიკროფონი ესროლა ფანს, რომელმაც მას დარბაზიდან სასმელი შეასხა.
მიუხედავად იმისა, რომ ე.წ. მსხვერპლმა საჩივარი დაწერა, ლას-ვეგასის პოლიციამ Billboard-ს დაუდასტურა, რომ მომღერალი ყველანაირი ბრალდებისგან თავისუფალია.
„ინციდენტის ყოვლისმომცველი გამოძიების შედეგად საქმე დაიხურა, საკმარისი მტკიცებულებების არქონის გამო. ამ საქმეზე არ დადგება არანაირი სამართლებრივი პასუხისმგებლობა,” – ნათქვამია ოფიციალურ განცხადებაში.
განცხადება გაავრცელეს ქარდი ბის ადვოკატებმაც, სადაც ნათქვამია, რომ ისინი ინფორმირებულნი იყვნენ ამ გადაწყვეტილების შესახებ. „ქარდი ბის სახელით ჩვენ ვაფასებთ ლას ვეგასის პოლიციის გულმოდგინე და სწრაფ გადაწყვეტილებას აღნიშნულ საქმეზე.”
ვიდეოში, რომელიც რამდენიმე დღის წინ გავრცელდა, 30 წლის მომღერალი მიკროფონს ესვრის ფანს, რომელმაც ქარდი ბის სიმღერის დროს სასმელი შეასხა.
ფანმა საჩივარი დაწერა და ამტკიცებდა, რომ მომღერლის ნასროლი მიკროფონით დაზიანება მიიღო. მისი ვინაობა კონფიდენციალური რჩება.
