სუზან ბენედეტომ, ტონი ბენეტის მეუღლემ, მომღერლის უკანასკნელ დღეებზე ისაუბრა და გაამხილა, თუ რა იყო მისი ბოლო სიტყვები. Today-სთვის მიცემულ ინტერვიუში ბენედეტო ამბობს, რომ ბენეტმა ბოლოს მეუღლეს სიყვარული აუხსნა.
„როცა იღვიძებდა, სულ სიყვარულს მიხსნიდა. ყოველდღე ბედნიერი იღვიძებდა. არც კი ახსოვდა, თუ ცუდი დღე ან ღამე ჰქონდა. ეს იყო ერთადერთი ბედნიერება, რომ ის მუდამ ბედნიერი იღვიძებდა. და მეუბნებოდა: „სუზან, შენ ყველაზე კარგი რამ ხარ, რაც კი ჩემს ცხოვრებაში მომხდარა.” ამას ყოველდღე მეუბნებოდა.”
ბენედეტო და ბენეტი 2007 წელს დაქორწინდნენ – მათი პირველი შეხვედრიდან 22 წლის შემდეგ. წყვილი ერთმანეთს 1985 წელს ბენეტის ერთ-ერთ კონცერტზე შეხვდა. სუზანმა ასევე დაასახელა ის ბოლო სიმღერა, რომელიც ბენეტმა გარდაცვალებამდე შეასრულა.
„ეს იყო Because of You. ვარჯიშისთვის უნდა აგვეყენებინა და მე ვუთხარი: „ტონ, არ გინდა, ადგე და იმღერო?” ეს მიზეზი იყო, რომ უბრალოდ აგვეყენებინა. მან კი მკითხა: „რა გინდა, რომ შევასრულო?” მე ვუთხარი Because of You. და მან იმღერა.”
ტონი ბენეტი 21 ივლისს 96 წლის ასაკში გარდაიცვალა. მომღერალს ალცჰაიმერის დაავადება ჰქონდა.
ნახეთ სუზან ბენედეტოს ინტერვიუ
