ოთხი თვე გავიდა მას შემდეგ რაც ედ შირანმა მაისში მეექვსე სტუდიური ალბომი Subtract გამოაქვეყნა.
ხუთშაბათს, 24 აგვისტოს მუსიკოსმა განაცხადა, რომ 29 სექტემბერს კიდევ ერთ ალბომს Autumn Variation-ს პროდიუსერ აარონ დესნერთან თანამშრომლობით, საკუთარი ლეიბლით Gingerbread Man Records-ით გამოუშვებს. ალბომი ედ შირანის ჩრდილოეთ ამერიკის ტურნეს შემდეგ ერთ კვირაში გამოვა.
„წლის დასაწყისში საკმაოდ რთული პერიოდი გამოვიარე, სიმღერის წერა კი ჩემი გრძნობების გარკვევაში მეხმარებოდა. ალბომში დეპრესია, სიმარტოვე, გულისტკენა, ახალი მეგობრები, სიყვარული და დაბნეულობა არის თავმოყრილი.“ – აღნიშნა ედ შირანმა.
ედ შირანის თქმით მამამ და ძმამ მას კომპოზიტორი ელგარი და მისი ალბომი Enigma Variations გააცნეს, სადაც კომპოზიტორს მეგობრის შთაგონებით დაწერილი თოთხმეტი კომპოზიცია აქვს შექმნილი. „ეს არის ის, რამაც ჩემი ალბომის შექმნა შთამაგონა. როდესაც აარონ დესნერთან ერთად ალბომი Subtract შევქმენი, უწყვეტ რეჟიმში ვმუშაობდით. ვგრძნობ, რომ მან შესანიშნავად გაართვა თავი ახალ ალბომს და იმედი მაქვს ჩვენი ახალი ნამუშევრები ისევე მოეწონება ყველას როგორც მე მომწონს.“
