გიტარისტმა კარლოს სანტანამ კონცერტის მსვლელობისას აუდიტორიას მიმართა და ამ დროს ტრანსგენდერი ადამიანების დისკრიმინაციული კომენტარი გააკეთა. ამ მომენტის ამსახველი ვიდეო ინტერნეტში მალევე გავრცელდა და საზოგადოების მხრიდან მწვავე კრიტიკაც დაიმსახურა.
შემთხვევა მაშინ მოხდა, როცა სანტანა ატლანტიკ სითიში კონცერტზე უკრავდა. შოუს დროს მუსიკოსი შეჩერდა და ტრანსგენდერი ადამიანების შესახებ საკუთარი აზრი გაახმოვანა. „როდესაც ღმერთმა შენ და მე შეგვქმნა, სანამ დავიბადებოდით, ვიცოდით ვინ და რა ვიყავით.“ – თქვა სანტანამ.
სანტანამ აღნიშნა, რომ სამყაროში მხოლოდ ორი სქესია, რადგან „ქალი ქალია და კაცი კაცია – ეს არის და მორჩა“ – თქვა მუსიკოსმა. სანტანამ თქვა, რომ პირად სივრცეში ადამიანს შეუძლია ის აკეთოს რაც უნდა.
სანტანამ დეივ ჩაპელსაც დაუჭრ მხარი, რომელიც ახლო წარსულში ტრანსგენდერი ადამიანების დისკრიმინაციული მოსაზრებების გახმოვანებისათვის გააკრიტიკეს.
მოგვიანებით Billboard მუსიკოსს დაუკავშირდა და თავისი განცხადებების შესახებ კომენტარი სთხოვა. 24 აგვისტოს სანტანამ გამოცემისათვის გაგზავნილ განცხადებაში აღნიშნა, რომ თავის ნათქვამს ნანობს. „ვწუხვარ ჩემი კომენტარების გამო. მე ყველა ადამიანის ღირებულებებსა და რწმენას პატივს ვცემ. Ვიზიარებ, რომ რაც ვთქვი, ამან ადამიანებს გული ატკინა. ეს ნამდვილად არ მსურდა. გულწრფელად ვიხდი ბოდიშს ტრანსგენდერი თემის და ყველა იმ ადამიანის წინაშე ვინც შეურაცხყავი.“ – განაცხადა კარლოს სანტანამ.
