ინგლისური როკ ბენდის Whitesnake-ის გიტარისტი ბერნი მარსდენი 72 წლის ასაკში გარდაიცვალა. მარსდენი ჯგუფის გიტარისტთან ერთად, Whitesnake-ის ყველაზე დიდი ჰიტების ავტორიც იყო.
მუსიკოსის გარდაცვალების ამბავი ოჯახმა ინსტაგრამზე გამოქვეყნებულ განცხადებაში დაადასტურა. „ოჯახი ღრმა მწუხარებით ვიუწყებით, რომ ბერნი მარსდენი გარდაიცვალა. Ბერნი მშვიდად აღესრულა. გარდაცვალების დღეს მის გვერდით მეუღლე, ფრენი და ქალიშვილები, შარლოტი და ოლივია იმყოფებოდნენ. ბერნის არასოდეს დაუკარგავს ლტოლვა მუსიკისადმი, იგი სიმღერებს სიცოცხლის ბოლომდე წერდა და გამოსცემდა“ – წერია გამოქვეყნებულ პოსტში.
მერნი მარსდენი Whitesnake-ის გიტარისტი ბენდის დაარსებიდან – 1978 წლიდან, 1982 წლამდე იყო. ბენდის თავდაპირველი შემადგენლობაში ასევე ფრონტმენი დევიდ კლოვერდეილსი, ბასისტ ნილ მიურეი, გიტარისტი მიკ მუდი და დრამერი დეივ დოუი იყვნენ. მარსდენის თანაავტორობით ჯგუფმა ყველაზე მთავარი ჰიტი – Here I Go Again გამოსცა. მერნი მარსდენმა ეს სიმღერა ბენდის წევრებთან ერთად მოგვიანებით,1987 წელს ხელახლა ჩაწერა. ტრეკი Billboard Hot 100 -ის ჩარტებში ლიდერ პოზიციას იკავებდა.
ჯგუფში 4-წლიანი შემოქმედებითი მოღვაწეობის განმავლობაში, მარსდენმა Whitesnake-ის ხუთი ალბომის შექმნაში მიიღო მონაწილეობა. Whitesnake-ის გარდა გიტარისტი რამდენიმე სხვა ბენდთან და მუსიკალურ პროექტთან ერთადაც უკრავდა. მან რამდენიმე სოლო ალბომიც გამოსცა. ბერნი მარსდენის ბოლო მუსიკალური ნამუშევარი სახელწოდებით Trios 2022 წლის აგვისტოში გამოვიდა.
