თეთრმა სახლმა ჯო ბაიდენის განცხადება გაავრცელა, სადაც იგი ჯიმი ბაფეტის გარდაცვალებას ეხმაურება.
„სამოთხის პოეტი, ჯიმი ბაფეტი ამერიკული მუსიკის ხატი იყო. მან შთაგონება მისცა თაობებს, რომ ბედნიერება ცხოვრებასა და ერთმანეთში ეპოვათ,” – წერია განცხადებაში. „მისი შინაარსიანი და სევდიანი სიმღერები წარმოაჩენს ამერიკული ფოლკლორის პერსონაჟებს და ქმნის ქანთრის, ფოლკის, როკის, პოპისა და კალიფსოს დაუვიწყარ მუსიკალურ მიქსს, რაც მხოლოდ ბაფეტის უნიკალურ სტილში ერთიანდება.”
ჯიმი ბაფეტი პირველ სექტემბერს 76 წლის ასაკში გარდაიცვალა. ინფორმაცია მის ვებგვერდსა და სოციალური მედიის ანგარიშებზე გავრცელდა. გარდაცვალების მიზეზი არ დასახელებულა.
ბაიდენი, რომელიც ერთ-ერთია იმ მრავალ საჯარო ფიგურათა შორის, რომლებმაც ბაფეტი გაიხსენეს, ამბობს: „ჩვენ გვქონდა პატივი, არაერთხელ შევხვედროდით ჯიმის და ის ცხოვრებაშიც ისეთივე იყო, როგორიც სცენაზე – კეთილგანწყობითა და ბედნიერებით სავსე. იგი თავის ნიჭს ადამიანების გასაერთიანებლად იყენებდა.”
Billboard-ის Hot 100-ში ბაფეტის 13 სინგლია შესული. Მათ შორის 7 ტოპ 40-ში, ხოლო ერთი ტოპ 10-ში. მომღერალი 40-ჯერაა შესული Billboard-ის 200 ალბომის ჩარტში.
„მე და ჯილი სიყვარულს ვუგზავნით მის 46 წლის მეუღლეს ჯეინს, მის შვილებსა და შვილიშვილებს. და იმ მილიონობით ფანს, რომლებიც მის სიყვარულს განაგრძობენ, მიუხედავად იმისა, რომ მისი გემი ახლა ახალი ნაპირებისკენ მიცურავს,” – ამბობს ბაიდენი.
