შინეიდ ო’კონორი 8 აგვისტოს მშობლიურ ირლანდიაში დაკრძალეს. ახლახან კი მომღერლის ოჯახმა განცხადება გამოაქვეყნა, სადაც მადლობას უხდის ყველას, ვინც დაკრძალვის ცერემონიაში იყო ჩართული.
„შინეიდის შვილები მისსავე ოჯახთან ერთად მადლობას გიხდით იმ ურიცხვ კეთილ ადამიანს, ვინც მისი გარდაცვალება გულთან ახლოს მიიტანა. თქვენს მხარდაჭერას ძალიან ვაფასებთ.” განცხადებაში ასევე აღნიშნულია, რომ დაკრძალვის ცერემონიას ირლანდიის პრეზიდენტი და მისი მეუღლეც ესწრებოდნენ.
„მადლობა ჩვენგან მედიას, რომელიც მუდმივად იხსენებდა შინეიდს და ამავდროულად პატივს სცემდა ოჯახის პირად სივრცეს. გთხოვთ, რომ ეს პირადი სივრცე ისევ დაგვიტოვოთ. და ბოლოს, გვინდა მადლობა გადავუხადოთ შინეიდის ფანებს იმ უზომო სიყვარულისთვის, რომელსაც მისი გარდაცვალების მომენტიდან იჩენდნენ. ო’კონორის ოჯახი მადლიერია და ლოცულობს თქვენთვის.”
შინეიდ ო’კონორი 56 წლის ასაკში გარდაიცვალა. მომღერალს სამი შვილი დარჩა.
