Blink-182 საიდუმლოებით მოცულ ახალ მუსიკას აანონსებს

ფანებმა სხვადასხვა ქალაქში პოსტერები შენიშნეს ჯგუფის ლოგოთი და ფრაზით One more time…
ტრევის ბარკერი და მარკ ჰოპუსი 2023 წლის კოაჩელას ფესტივალზე
Monica Schipper/Getty Images

Blink-182 რაღაც ახალს გეგმავს. პოპ-პანკ ტრიომ თავის ვებგვერდზე საიდუმლოებით მოცული ვიდეო ატვირთა. ჯგუფის ფანებმა კი სხვადასხვა ქალაქში პოსტერები შენიშნეს, რომლებიც, როგორც ჩანს, ახალი სინგლის მინიშნებაა. Პოსტერებზე გამოსახულია  Blink-182-ის ლოგო და ფრაზა One more time…

ტორონტოში ერთ-ერთი ფანის მიერ ნაპოვნ პოსტერებზე ფონად, სავარაუდოდ, სიმღერის ტექსტი იკითხება: Do I have to die to hear you miss me?/ Do I have to die to hear you say goodbye?/ I don’t want to act like there’s tomorrow/ I don’t want to wait to do this one more time.

Blink-182 უკვე მეორედ გაერთიანდა ჯგუფიდან ორჯერ წასულ მომღერალ/გიტარისტთან ტომ დელონგთან და შარშან ოქტომბერში მათ ახალი სინგლი Edging გამოუშვეს. მიუხედავად იმისა, რომ მას შემდეგ ჯგუფი გამუდმებით აანონსებს ახალ ალბომს, ამ დრომდე მათ არ მისი არც სახელი და არც გამოშვების თარიღი გამოუცხადებიათ.

ბენდი ამჟამად ევროპის ტურნეში იმყოფება, თუმცა გასულ კვირას მათ კონცერტების გადადება მოუწიათ. ბენდის დრამერს, ტრევის სკოტს სახლში დაბრუნება მოუწია, რათა ფეხმძიმე მეუღლის, კორტნი კარდაშიანის გვერდით ყოფილიყო, რომელსაც, მისი თქმით, გადაუდებელი ოპერაცია დასჭირდა. ბენდი ტურნეს 8 სექტემბერს ბელგიაში, ანტვერპენში განაგრძობს.

ნახეთ Blink-182-ის პოსტები

Share
Tweet
Share
Share
Share

წინა სტატია

9 სექტემბერი – წინანდლის ფესტივალის ერთ-ერთი გამორჩეული დღე

შემდეგი სტატია

მარიონ კოტიარი სოფი ტერნერის და ჯო ჯონასის განქორწინებას გამოეხმაურა

შეიძლება დაგაინტერესოთ

მუსიკალური გამომცემლების ეროვნული ასოციაცია Spotify-ს არალიცენზირებული მასალის განთავსებაში ადანაშაულებს

ასოციაციამ Spotify-ს ოფიციალური წერილით მიმართა და ამ მასალის პლატფორმიდან ამოღება მოსთხოვა.
მეტი

TBILISI NEWCOMERS 2024

Tbilisi Newcomers 2024-ზე საკონკურსო ნამუშევრების მიღებამდე ერთი დღე რჩება.
მეტი

Wicked-ის კადრს მიღმა სცენებში არიანა გრანდე და სინთია ერივო როლზე დამტკიცებას ემოციურად ხვდებიან

პრემიერამდე რამდენიმე თვით ადრე კინოსტუდია Universal Pictures-მა კადრს მიღმა დარჩენილი სცენების ვიდეო გამოაქვეყნა, რომელშიც მთავარი გმირები პროექტზე საუბრობენ.
მეტი