17-24 სექტემბერს, ბათუმის მე-18 საერთაშორისო კინოფესტივალი (BIAFF) ჩატარდა. კინოფესტივალის ჩვენებები ტრადიციისამებრ კინოთეატრ „აპოლოში“ და ღია სივრცეში – ევროპის მოედანზე გაიმართა. პროგრამამ ათეულობით ქართული და უცხოური კინოსურათი გააერთიანა.
24 სექტემბერს, ფესტივალის დახურვის ცერემონიაზე BIAFF-ის გამარჯვებულები გამოვლინდნენ. საუკეთესო ფილმის კატეგორიაში საერთაშორისო ჟიურიმ გამარჯვებულად ალი აჰმადზადეს „კრიტიკული ზონა“ დაასახელა. საუკეთესო რეჟისორის ნომინაციაში კი თინათინ ყაჯრიშვილმა გაიმარჯვა, ფილმისთვის „მოქალაქე წმინდანი“.
BIAFF-ის დახურვის ცერემონიის ერთ-ერთი გამორჩეული ნაწილი ცნობილი ქართველი მომღერლის, ქართული ჯაზის ლეგენდად აღიარებული გიული ჩოხელის დაჯილდოება იყო – მას ფესტივალის სპეციალური პრიზი გადაეცა.
იხილეთ ბათუმის მე-18 საერთაშორისო კინოფესტივალის გამარჯვებულთა სრული ჩამონათვალი:
საუკეთესო ფილმი – „კრიტიკული ზონა“, ალი აჰმადზადე, ირანი/გერმანია.
საუკეთესო რეჟისურა – თინათინ ყაჯრიშვილი ფილმისთვის „მოქალაქე წმინდანი“, საქართველო/ საფრანგეთი/ბულგარეთი.
საუკეთესო მსახიობი ქალი – ეკა ჩავლეიშვილი – ფილმში „შაშვი შაშვი მაყვალი“, ელენე ნავერიანი, შვეიცარია/საქართველო.
საუკეთესო მსახიობი მამაკაცი – მიშალ ჟურავსკი – ფილმში „ნატეხები“, ბეატა ძიანოვიჩი, პოლონეთი.
ჟიურის სპეციალური მოხსენიება – „შაშვი შაშვი მაყვალი“, ელენე ნავერიანი, შვეიცარია/საქართველო და „ბლაგას გაკვეთილი“, სტეფან კომანდარევი, ბულგარეთი/გერმანია.
საუკეთესო მოკლემეტრაჟიანი ფილმი – „გარდაცვლილი ქორწინება”, მიხალ ტოჩეკი, პოლონეთი.
ჟიურის სპეციალური დიპლომი – „იხვებზე ნადირობა”, გიორგი ქობალია, საქართველო.
ბათუმის კინომოყვარულთა კლუბის ჟიურის მიერ აღინიშნა ორი ფილმი:
„მოქალაქე წმინდანი“, თინათინ ყაჯრიშვილი,საქართველო/საფრანგეთი/ბულგარეთი და „ნატეხები“, ბეატა ძიანოვიჩი, პოლონეთი.
BIAFF 2023-ის სპეციალური პრიზი გადაეცათ:
ზურაბ ყიფშიძე (საქართველო) რევაზ მახათაძე (საქართველო) გიული ჩოხელი (საქართველო)
