ვიქტორია და დევიდ ბექჰემები თანამედროვე მედიაში ერთ-ერთი ყველაზე განხილვადი წყვილია. 1997 წლიდან, როცა ფეხბურთელმა და მომღერალმა შეხვედრა დაიწყეს, ისინი მუდმივად ტაბლოიდების ფოკუსში იყვნენ.
Netflix-ის ახალი დოკუმენტური სერიალის სახელწოდებით Beckham, ბოლო ეპიზოდში ვიქტორია ბექჰემმა გაამხილა, რომ მისთვის 2000-იანი წლების ადრეულო პერიოდი განსაკუთრებით რთული იყო.
„ეს ის დრო იყო, რასაც ის [დევიდ ბექჰემი] ეხებოდა, ოქროდ იქცეოდა.“ – აღნიშნავს ვიქტორია სერიალში, რომლის პრემიერაც 4 ოქტომბერს შედგა. სერიალში ინტერვიუერი დევიდ ბექჰემს ეკითხება, რამდენად შეცვალა ქორწინებამ მისი ცხოვრება და როგორი გავლენა მოახდინა კარიერაზე.
ვიქტორია ბექჰემმა იმ პერიოდზე ისაუბრა, როდესაც დევიდ ბექჰემის საფეხბურთო კარიერის გამო, წყვილს მადრიდში გადასვლა მოუწია. როგორც ვიქტორიამ აღნიშნა, ის მათი ურთიერთობის ყველაზე რთული მონაკვეთი იყო, როდესაც ერთმანეთთან კავშირი დაკარგეს. „ეს იმდენად რთული პერიოდი იყო, რომ არც კი ვიცი, როგორ მოვყვე და როგორ აღვწერო ის გავლენა, რაც მან ჩემზე მოახდინა“ – აღნიშნავს ინტერვიუში ვიქტორია ბექჰემი.
„ნამდვილი კოშმარი იყო. იმ წუთიდან როცა დილით კარს ვაღებდით, პრესა ყველგან იყო, ისინი დაგვყვებოდნენ ყველგან, სადაც არ უნდა წავსულიყავით“ – ამბობს ვიქტორია.
სერიალმა მაყურებელს აქამდე უცნობი საარქივო მასალა აჩვენა. დოკუმენტური სერიალი ფეხბურთელის ოჯახის წევრებთან, მეგობრებთან და სპორტული სამყაროს წარმომადგენლებთან ინტერვიუებსაც აერთიანებს.
ნახეთ Beckham-ის ტრეილერი:
