მუსიკოსმა Sophie Villy-მ სოციალურ ქსელში ვიდეო გააზიარა, რომელშიც მისი ახალი ტრეკიდან ინსტრუმენტული ნაწილი ჟღერდება. ინსტაგრამზე გამოქვეყნებულ ვიდეოში მუსიკოსი მელოდიას ძველ სვანურ ტრადიციულ სიმებიან საკრავზე – ჭუნირზე ასრულებს.
„დღეს, ჩემს დაბადების დღეზე, გიზიარებთ მოკლე ფრაგმენტს ტრეკიდან, რომელზეც ამჟამად ვმუშაობ. მუსიკა კურნავს, მუსიკა გვაერთიანებს. მუსიკა შთაგვაგონებს“ – ვკითხულობთ ვიდეოს აღწერაში, რონელი Sophie Villy-მ გამოაქვეყნა.
როგორც მუსიკოსმა აღნიშნა, მან სვანური საკრავი ჭუნირი უნიკალური და გამორჩეული ჟღერადობის გამო აირჩია. „მიყვარს გამოწვევები, უპირველეს ყოვლისა კი მიყვარს რაღაც ახლის მცდელობის პროცესი“ – ამბობს Sophie Villy.
ნახეთ ვიდეო:
