სოხუმის დრამატული თეატრი სტამბოლის თეატრალურ ფესტივალში მონაწილეობს. ქართული დასი ფესტივალზე ახალ სპექტაკლს „უეცრად გასულ ზაფხულს” წარადგენს, რომელიც ტენესი უილიამსის ამავე სახელწოდების ნაწარმოების მიხედვით ამერიკელმა რეჟისორმა ჯეისონ ჰეილიმ დადგა. სპექტაკლის პრემიერა სოხუმის თეატრში 6 ოქტომბერს შედგა.
სტამბოლის საერთაშორისო ფესტივალი 1989 წლიდან ტარდება. 2022 წლიდან მას ბიენალეს სახე მიეცა. 2017 წლიდან კი ისევ ყოველწლიურ ციკლს დაუბრუნდა და წელს სტამბოლი უკვე რიგით 27-ე ფესტივალს მასპინძლობს. ერთი თვის განმავლობაში Მასში მონაწილეობას მიიღებენ მსოფლიოს მასშტაბით შერჩეული თეატრალური დასები. წლევანდელი სეზონი პინა ბაუშის ცნობილი დადგმით Café Müller-ით გაიხსნა. სოხუმის თეატრის დასი ფესტივალის სცენაზე 30 და 31 ოქტომბერს წარდგება.
