გიორგი გიგაშვილის კონცერტი ავსტრიაში ისტორიულ როიალზე და დარბაზის მიერ ნამღერი Happy Birthday

ქართველმა პიანისტმა ავსტრიის ქალაქ სენტ ანტონში კონცერტი 11 ნოემბერს გამართა. 12 ნოემბერს კი მას 23 წელი შეუსრულდა.

11 ნოემბერს გიორგი გიგაშვილმა ავსტრიაში კონცერტი გამართა. მუსიკალური საღამო ქალაქ სენტ ანტონ-ამ-არლბერგში გაიმართა. კონცერტი სახელწოდებით Brass Music Meets Steinway & Sons ცნობილ პიანისტს გეზა ანდას უკავშირდება: შვეიცარიულ-უნგრული წარმოშობის საერთაშორისოდ აღიარებული პიანისტი ძალიან დიდ დროს ატარებდა სენტ ანტონში და ამ ადგილისადმი პატივისცემის ნიშნად, 1970-იან წლებში მან ქალაქს საჩუქრად Steinway & Sons-ის როიალი გადასცა, რომელზეც თავადვე უკრავდა. გეზა ანდა 1976 წელს გარდაიცვალა. 

სულ ცოტა ხნის წინ ანდას მიერ სენტ ანტონისთვის ნაჩუქარ 370-კილოგრამიან როიალს რესტავრაცია ჩაუტარდა, რის შემდეგაც გაჩნდა კონცერტის ჩატარების იდეა. საღამოს სოლისტად და განახლებულ ისტორიულ როიალზე პირველად დასაკრავად კი გიორგი გიგაშვილი მიიწვიეს, რომელიც გეზა ანდას მე-15 კონკურსის გამარჯვებულია. კონკურსს პიანისტის ოჯახის მიერ დაარსებული ფონდი სამ წელიწადში ერთხელ ციურიხში ახალგაზრდა პიანისტების მხარდასაჭერად ატარებს. 2021 წელს კი ქართველი პიანისტი გეზა ანდას მეუღლის მიერ დაწესებული სპეციალური პრიზის მფლობელი გახდა. 

კონცერტმა სრული ანშლაგით ჩაიარა. Საღამოს შემდეგ გამართულ წვეულებაზე კი, უკვე 12 ნოემბერს, გიორგი გიგაშვილს შემოქმედებითმა ჯგუფმა და აუდიტორიამ დაბადების დღე ერთხმად, სიმღერით მიულოცეს. ქართველ პიანისტს 23 წელი შეუსრულდა. 

ნახეთ ვიდეო:

Share
Tweet
Share
Share
Share

წინა სტატია

“Billboard საქართველოს” ამბები – ევრონიუს ჯორჯიას ეთერში

შემდეგი სტატია

Circus Mircus-ის სადებიუტო ალბომი Furrore/Fiasco 

შეიძლება დაგაინტერესოთ

ქართული მუსიკალური სივრცეები, ფესტივალები და კოლექტივები ერთობლივ განცხადებას ავრცელებენ

„გვჯერა, რომ ნებისმიერ სფეროში დამყარებულ პროფესიულ და მეგობრულ კავშირებს, თავისი წვლილი შეაქვს საქართველოს ისტორიულად მთავარი, და კონსტიტუციურად დაცული მიზნის მიღწევაში,”- ვკითხულობთ განცხადებაში.
მეტი

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი