2017 წელს ჩამოყალიბებულ ჯგუფს On the Road შემოქმედებითად დატვირთული წელი ჰქონდა. გაზაფხულს ბენდმა ორი სიმღერა Fortuneteller და Hope I Die გამოუშვა. ზაფხულში, გერმანიაში, Rockweise ფესტივალზე წარდგნენ, ახლა კი, ახალი ალბომის გამოსვლა დააანონსეს და წლის ბოლოს „ჰარაკში“ სოლო კონცერტსაც გეგმავენ.
„ჩვენი ახალი ალბომი 27 ნოემბერს გამოვა, რომლის სახელწოდებაცაა Heal Yourself. ალბომში 10 ტრეკია გაერთიანებული. ეს ალბომი On the Road-ის ოთხწლიანი მუშაობის შედეგია, რომელიც ერთგვარად ცხოვრებისეულ პროცესს ასახავს, ცუდად ყოფნიდან კარგად ყოფნაში გარდამავალ პერიოდს. ახალი ალბომით, რაღაცნაირად ჩვენი სიმღერების შეკვრა და ამ წარსულის დაფიქსირება გვინდოდა.“ – ლადო გიგაია, On The Road-ის ფრონტმენი.
მოისმინეთ On the Road-ის ახალი ალბომიდან სინგლი Heal Yourself:
