თბილისში, ცოტა ხნის წინ, არტისტების მიერ დაარსებული ახალი ექსპერიმენტული აუდიო-ვიზუალური არენა Vimana გაიხსნა, სადაც ყოველ პარასკევს, დაინტერესებულ არტისტებს სცენას უთმობს. Vimana ახალი ექსპერიმენტებისთვის მუდმივად ღიაა და ცდილობს არტისტებს ისეთი სივრცე შესთავაზოს, სადაც სიახლეების, ექსპერიმენტების და ახალი ტენდენციებისთვის მუდმივი მზაობაა.
დიმა დადიანი – არტისტი, Vimana-ს წევრი
„დღევანდელი ლაივი არაფრით განსხვავდება სხვა ლაივებისგან, აქ ყოველ პარასკევს სივრცე არტისტებს ეთმობათ. ეს არის არენა და იმისთვის შექმნა, რომ გამოხვიდე, შენი სათქმელი თქვა და ექსპერიმენტები ჩაატარო. აქ ერთმანეთს არავინ ეჯიბრება. ეს სივრცე თავად არტისტებმა ნარჩენი მეორადი მასალისგან ავაწყვეთ. თავიდან ბოლომდე არაკომერციული პროექტია, თუ რამე შემოვა შემოწირულების სახით, ისევ ამ სივრცეს და სტუდიას მოხმარდება.
Leno Records-თან ვთანამშრომლობთ და სულ მალე Vimana-ს კრებული გამოვა. თუ არტისტი ხარ და ხარისხიან საუნდს აკეთებ, ეს სივრცე შენთვისაა. დღეს ყველაფერი ერთნაირია და ყველაფერი ერთმანეთს ჰგავს. ჩვენი მიზანია, რომ ჩვენი ხმა შევქმნათ, აქაური Vimana-ს ხმა, რომელიც ინდივიდუალური და განსხვავებული იქნება. ბევრ ექსპერიმენტს ვქმნით და სწორედ ამით იქნება ეს სივრცე გამორჩეული.”
Vimana-ში სცენა ხშირად ეთმობა კოლაბორაციებს, დაინტერესებულ პირებს კი, ექსპერიმენტების საშუალებით შექმნილი აუდიო-ვიზუალური საუნდის მოსმენა ყოველ პარასკევს, დოდო აბაშიძის 10 ნომერში Vimana-ს არენაზე შეეძლებათ.
