წინანდლის ფესტივალი 2024 წლის საფესტივალო პროგრამასა და თარიღებს აქვეყნებს. მომავალ წელს კლასიკური მუსიკის საერთაშორისო ფესტივალი კვლავ 31 აგვისტოს გაიხსნება და ამჯერად 8 სექტემბრამდე გასტანს. 9 დღის განმავლობაში წინანდლის მამულს ქართული და მსოფლიო მუსიკალური სცენის ვარსკვლავები ეწვევიან. პროგრამის ფარგლებში ჯამში 17 კონცერტი გაიმართება.
31 აგვისტოს ფესტივალს, ტრადიციულად, პანკავკასიური ორკესტრი ჯანანდრეა ნოზედას დირიჟორობით გახსნის. მოწვეულ მუსიკოსებთან ერთად ორკესტრი ჯუზეპე ვერდის რეკვიემს შეასრულებს. წინანდლის რიგით მეექვსე ფესტივალი 8 სექტემბერს ასევე პანკავკასიური ორკესტრის კონცერტით დასრულდება, რომელსაც სცენაზე ლიზა ბათიაშვილიც შეუერთდება.
ფესტივალის თარიღები და პროგრამა იხილეთ ბმულზე.
