ამერიკულ The Voice-ში ხმის მიცემა დასრულდა. მაყურებელმა ფინალისტები გამოავლინა, რომელთა შორის ქართველი მონაწილე Nini Iris ვერ მოხვდა.
მას შემდეგ, რაც ხმის მიცემის შედეგები ცნობილი გახდა, Nini Iris-მა სოციალურ ქსელში პოსტი გამოაქვეყნა.
„The Voice მადლობა არაჩვეულებრივი გამოცდილებისთვის. ნაილ ჰორან, მადლობა, რომ იყავი საუკეთესო მწვრთნელი და მეგობარი. ჩემი კარიერა ახლა იწყება! მიყვარხართ!” – წერს მომღერალი.
შეგახსენებთ, რომ გასულ კვირას ნინი ნახევარფინალში სწორედ მაყურებლების გადაწყვეტილებით, 9 საუკეთესო მონაწილეს შორის მოხვდა. ნახევარფინალის ლაივ შოუს დროს მან ოსკარის და გრემის მფლობელი სიმღერა, ბილი აილიშის No Time To Die შეასრულა. კონკურსის ერთ-ერთი ნაწილი ტეილორ სვიფტის მუსიკალურ შემოქმედებას მიეძღვნა – მონაწილეებისაგან შემდგარმა ტრიოებმა პოპ ვარსკვლავის სიმღერები შეასრულეს. Nini Iris-ის ტრიო სცენაზე სიმღერით Don’t Blame Me წარდგა.
იხილეთ Nini Iris-ის გამოსვლა The Voice-ის ნახევარფინალში:
