ზურაბ ქარუმიძე 66 წლის ასაკში გარდაიცვალა. ინფორმაცია მწერლის ოჯახის წევრებმა გაავრცელეს.
ზურაბ ქარუმიძე თანამედროვე ქართულ ლიტერატურაში ერთ-ერთი გამორჩეული ფიგურაა. მისი შემოქმედება აერთიანებს, როგორც ქართულენოვან, ასევე ინგლისურენოვან ნაწარმოებებს. სხვადასხვა დროს ზურაბ ქარუმიძე არაერთი პრესტიჟული ლიტერატურული პრემიის მფლობელი გახდა. 2010 წელს მწერალს წიგნისთვის „ჯაზის ცხოვრება“ პრემია „საბა“ გადაეცა. წიგნი მკითხველს ჯაზის ისტორიას მოუთხრობს. ავტორი წიგნში გვიყვება იმ ადამიანების შესახებ, ვინც მუსიკის ამ ჟანრის შექმნასა და შემდგომ განვითარებაზე დიდი გავლენა მოახდინა.
ქარუმიძის ცნობილ ლიტერატურულ ნამუშევრებს შორის ასევე არის ინგლისურენოვანი რომანი „Dagny or a Love Feast“.
