მეთიუ ნოულზი, ცნობილი მუსიკალური მენეჯერი და ბიონსეს მამა, 2017 წელს გამოცემულ მემუარებს ფილმის სახით გამოსცემს. ამის შესახებ მისმა აგენტმა განაცხადა.
ნოულზის წიგნი Racism From the Eyes of a Child როგორც სრულმეტრაჟიან ფილმად, ასევე სერიებად გამოვა. ფილმი წიგნის პირველ ნაწილს დაფარავს, რომელიც ალაბამაში ნოულზის ბავშვობას ეხება, როცა ის ერთ-ერთი იყო იმ ექვსი შავკანიანი მოსწავლიდან, რომლებიც თეთრკანიანთა სკოლაში დადიოდნენ. წიგნში ასევე აღწერილია ის, თუ როგორ მონაწილეობდა ნოულზი მშვიდობიან დემონსტრაციებში რასობრივი თანასწორობის მოთხოვნით. იგი ასევე აღნიშნავს, თუ როგორ განსაზღვრეს მისი პიროვნების ჩამოყალიბება ისეთმა ფიგურებმა, როგორებიც იყვნენ მარტინ ლუთერ კინგი, ალბერტ ტერნერი და რალფ ებერნათი. როგორც ცნობილია, ფილმის სცენარი უკვე მზად არის.
მეთიუ ნოულზი ჯგუფ Destiny’s Child-ის მენეჯერი იყო, სადაც მისი ქალიშვილი ბიონსეც მღეროდა. 2011 წლამდე ნოულზი ბიონსეს სოლო კარიერის მენეჯერიც იყო.
