Billboard საქართველოს ყოველკვირეული რუბრიკის სტუმარია გიორგი ბარბაქაძე. „ჩემი ცოლის დაქალებში” ჯეკოს როლის შემსრულებელმა გადაწყვიტა, საყვარელ არტისტებზე ესაუბრა და არჩევანი სამ მათგანზე შეაჩერა. ესენია:
- ამერიკული როკბენდი MGMT, რომელიც 2002 წელს დაარსდა. გრემის მფლობელი ბენდი ორჯერ მოხვდა Billboard Hot 100-ში და ოთხჯერ Billboard 200-ში, სადაც 2010 წელს მათმა ალბომმა Congratulations მეორე ადგილი დაიკავა.
- მსოფლიო მუსიკის ლეგენდა დევიდ ბოუი და მისი ორი კომპოზიცია: 1971 წელს გამოშვებული Moonage Daydream და 1969 წელს გამოცემული და ბოუის რიგით მეორე ალბომში შესული Space Oddity.
- ფართო აუდიტორიისთვის ნაკლებად ცნობილი მუსიკოსი Koudlam. პირველი ალბომი მუსიკოსმა 2006 წელს გამოსცა. შემდეგ კი იყო მისი აპოკალიფსურად წოდებული ალბომი Goodbye. Koudlam-ის კომპოზიციები აქტიურად გამოიყენება მოდის ინდუსტრიაში ისეთი ბრენდების მიერ, როგორებიცაა Chanel, L’Oreal. იგი ასევე არის ავტორი არაერთი ფილმის საუნდტრეკისა.
ნახეთ გიორგი ბარბაქაძის მუსიკალური რეკომენდაციები:
