ბრიტანეთის სამეფო ფოსტის (Royal Mail) განცხადებით, თვის ბოლოს Spice Girls-ის 30 წლის იუბილეს აღსანიშნად საფოსტო მარკებს გამოსცემს.
სრული კომპლექტი აფიშებს, ღია ბარათებს და საკოლექციო ნივთებს მოიცავს, რომელიც გაყიდვაში 11 იანვრიდან გამოვიდა. ყველაზე მთავარი კი Spice Girls-ის ოქროს მარკების ნაკრებია, რომელიც შეზღუდული რაოდენობით გამოიცა.
ბრიტანეთის სამეფო ფოსტის განცხადებაში ნათქვამია, რომ ეს არის ყველაზე დიდი კამპანია, რომელიც ფოსტამ ქალთა პოპ ჯგუფს მიუძღვნა.
ათი მთავარი მარკა, 1997 წლის Brit Awards-ზე გადაღებულ სურათებს და 2012 წლის ზაფხულის ოლიმპიური თამაშების დახურვის ცერემონიაზე გადაღებულ ფოტოებს მოიცავს.
დანარჩენი ხუთი მარკა მინიატურულ ფურცელზეა გამოსახული, რომელზეც 1998 წლის მხატვრული ფილმის, Spice World-ის ფოტოსესიაზე გადაღებული კადრებია ასახული.
ჯგუფი Spice Girls 1994 წელს შეიქმნა, ორი წლის შემდეგ სიმღერა Wannabe გამოსცეს, რომელიც ბრიტანული პოპის ახალი ეპოქის საწყისი აღმოჩნდა.
ბრიტანეთის სამეფო ფოსტას (Royal Mail) აქამდე The Beatles-ის (2007 წელს), Pink Floyd-ის (2016), Queen-ის (2020), პოლ მაკარტნის (2021), Rolling Stones-ის (2022) და Iron Maiden-ის (2023) საფოსტო მარკები აქვს გამოცემული.
ნახეთ Spice Girls-ის საფოსტო მარკები:
