11 იანვარს Success Bar-ში ნინი ნუცუბიძის ახალი EP-ის სახელწოდებით Paper Planes პრეზენტაცია შედგა. პრეზენტაცია Drag Show-ს პერფორმანსით გაიმართა, სადაც Drag Queen-ები ე.წ. lip sync-ის მეშვეობით Ep-დან ტრეკებს ასრულებდნენ.
Paper Planes სამი ტრეკისგან შემდგება. პირველი სიმღერა PP1 ნინი ნუცუბიძემ ნიკალა ზუბიაშვილთან (Nikala) კოლაბორაციით შექმნა, PP2 და PP3 კი გიორგი გიგაშვილთან თანამშრომლობით შეიქმნა.
Ep-ის ქავერზე თეკლა კიღურაძემ და ნოდო უგულავამ იმუშავეს, მიქსინგი და მასტერინგი კი პაპუნა ალიბეგაშვილს / Puzzles Records ეკუთვნის.
ნინი ნუცუბიძე – არტისტი:
„Ep-ის კონცეფცია და იდეა სრულად ინსპირირებულია სიყვარულით და მეგობრობით. თავად Ep სამი ტრეკისგან შედგება, თუმცა პრეზენტაციაზე ბონუს, მეოთხე ტრეკიც შესრულდება, რომელიც მე და ნიკალა ზუბიაშვილმა ერთ-ერთი Drag Ball-თვის გავაკეთეთ, სადაც სტუმრად ვიყავით. რაც შეეხება Ep Paper Planes საკმაოდ მრავალფეროვანია, ბევრი ჟანრია გაერთიანებული. ტრეკი PP3 დაახლოებით ხუთ სხვადასხვა ჟანრს მოიცავს. მგონია, რომ საერთო ჯამში ძალიან მრავალფეროვანი და საინტერესო პროექტია.
ქავერზე თეკლა კიღურაძემ და ნოდო უგულავამ იმუშავეს და საოცარი პოსტერი შეიქმნა. ბონუს ტრეკის ქავერის ავტორი ოთო ცაგარეიშვილია, რომელიც ასევე საოცარი პოსტერი გამოვიდა. მიქსინგზე და მასტერინგზე პაპუნა ალიბეგაშვილმა/Puzzles Records იმუშავა და ყველანაირ მოლოდინს გადააჭარბა. Ep-ში შესული ტექსტების ავტორი ნიკო მჭედლიშვილია. EP-ის კოლაბორაციებიდან ორი ტრეკი გიორგი გიგაშვილთან ერთად გაკეთდა და ერთი ნიკალა ზუბიაშვილთან.
სახელწოდება Paper Plane, ფრენასთან, როგორც პირდაპირ ასევე გადატანითი მნიშვნელობით და სიყვარულთან არის დაკავშირებული.
თავად სივრცე, სადაც Ep-ის პრეზენტაცია შედგა ჩემთვის გამორჩეულია, იმიტომ რომ, ძალიან ვგულშემატკივრობ და მხარს ვუჭერ საქართველოში Drag კულტურას. საოცარი Drag არტისტები გვყავს. დღეს ექვსი Drag არტისტი, ე.წ. lip sync-ს გააკეთებს ამ ტრეკებზე და პრეზენტაციის ფორმაც სწორედ ეს არის. მთავარი მიზეზი, თუ რატომ გადავწყვიტე პრეზენტაციის გაკეთება აქ, არის ის, რომ უბრალოდ ვგიჟდები Drag კულტურაზე. ძალიან დიდი ექსპერიმენტი იყო, როგორც ჩემი ასევე Drag Queen-ების მხრიდან. მინდა აღვნიშნო, რომ ამ ყველაფრის დაგეგმვა, ორგანიზება და რეალობაში მოყვანა ზუსტად სამ დღეში მოხდა.
ძალიან დიდი მადლობა მინდა გადავუხადო უკლებლივ ყველა ჩემ მეგობარს, ასევე Success-ის გუნდს, Drag Queen-ებს, ვინაიდან ეს პროექტი მართლა სიყვარულით და მეგობრობით არის შექმნილი.“
მოისმინეთ ნინი ნუცუბიძის EP – Paper Planes
