13 იანვარს Billboard Georgia Stage-ის კონცერტების სერიის ფარგლებში, „რესპუბლიკა ივენთ ჰოლის” სცენაზე ბრაზილიელ მუსიკოსი Sandami წარდგა. მუსიკოსმა რეპერტუარი თავის ბენდთან ერთად შეასრულა. დანიელ სანტიაგო, იგივე SANDAMI ბრაზილიის მუსიკალური სივრციდან საერთაშორისოდ ცნობილ შემსრულებლად იქცა.
“რესპუბლიკა ივენთ ჰოლის” სცენაზე გამართულ კონცერტზე მან მსმენელს თავისი ენერგიული რეპერტუარი წარუდგინა, რომელიც სამბას და როკის ჟანრობრივი ელემენტების სინთეზით, გამორჩეულ მუსიკალურ გამოცდილებას ქმნის.
აღსანიშნავია კონცერტის მსვლელობისას მუსიკოსის ინტერაქცია აუდიტორიასთან. მან მსმენელს და თბილისს მასპინძლობისათვის მადლობა ქართულ ენაზე არაერთხელ გადაუხადა. ქართველი მსმენელისათვის გამორჩეული მომენტი იყო ქეთი ფარესაშვილის სცენაზე გამოჩენა, რომელმაც SANDAMI-თან და ბენდთან ერთად იმღერა.
კონცერტის მსვლელობისას გაჟღერდა არაერთი საყოველთაოდ ცნობილი ჰიტი, მათ შორის მსოფლიო ჰიტად ქცეული Mas Que Nada, რომლის ორიგინალური ვერსია სერჟიო მენდესს და Brasil ’66-ეკუთვნის.
აღსანიშნავია, რომ 2023 წელს SAN-მა DVD პროექტი სახელწოდებით SAN7 გამოსცა, რომელშიც მისი კარიერის ჰიტები და ასევე აქამდე გამოუცემელი სიმღერებია შესული.
