ნიუ-იორკის, 2024 წლის Winter JazzFest, 10-18 იანვრის ჩათვლით სხვადასხვა სივრცეში იმართება. ფესტივალის ფინალურ დღეს, 18 იანვარს ცნობილ ჯაზ კლუბ Nublu-ში მუსიკოსები, ხონძი (საქსოფონი), ლუკა თოფურია (კლავიში), სოსო ცაგარეიშვილი (დრამი), ხატია ქორიძე (ბასი) და როი ბენ ბაშატი (გიტარა) წარდგებიან.
„ნიუ იორკის ზამთრის ჯაზ-ფესტივალი, ზუსტად იმის ამსახველია, თუ რატომ ეძახიან ამ ქალაქს ჯაზის მსოფლიო დედაქალაქს.“ – წერია ჯაზ ფესტივალის ოფიციალურ ვებ-გვერდზე.
ჯაზ კლუბ Nublu-ში საქსოფონისტის და კომპოზიტორის ხონძის არაერთი კონცერტი გამართულა, რის შემდეგაც მუსიკოსმა Winter JazzFest-ზე მოწვევა მიიღო. 18 იანვარს კონცერტზე ხონძის სხვადასხვა პროექტებიდან კომპოზიციები შესრულდება.
Winter JazzFest გამორჩეული ფესტივალია, სადაც მსოფლიო ვარსკვავები უკრავენ. სხვადასხვა დროს ფესტივალზე მონაწილეობდნენ: ჯონ ბატისტი, კამას ვაშინგტონი, გრეგორი პორტერი, ჯეისონ მორანი და სხვები.
