2024 წლის 16 იანვარს Louis Vuitton-მა მამაკაცის ხაზის შემოდგომა/ზამთრის კოლექცია წარადგინა. ჩვენება პარიზის მოდის კვირეულზე შედგა. ჩვენების პარალელურად სხვადასხვა კომპოზიცია გაჟღერდა. ერთ-ერთი მათგანი მაილი საირუსის და ფარელ
უილიამსის ამ დრომდე გამოუქვეყნებელი ტრეკი Doctor იყო.
ფარელ უილიამსი ამჟამად Louis Vuitton-ის მამაკაცის ხაზის შემოქმედებითი ხელმძღვანელის პოზიციას იკავებს. მან ბრენდში გარდაცვლილი დიზაინერის, ვირჯილ აბლოს ადგილი დაიკავა. აღსანიშნავია, რომ მას წარსულში თანამშრომლობა აკავშირებს მაილი საირუსთან. ფარელი მომღერლის 2013 წლის ალბომზე პროდიუსერის და
სიმღერების ავტორის სტატუსით Bangerz-ზე მუშაობდა. ვრცელდება ხმები, რომ ჩვენებაზე გაჟღერებული ტრეკი სწორედ ამ ალბომზე მუშაობის ფარგლებში ჩაიწერა.
Doctor საირუსის პირველი ახალი სიმღერაა მას შემდეგ, რაც არტისტმა Used to Be Young გამოსცა. 2023 წელს მომღერალმა თავისი მე-8 სტუდიური ალბომი Endless Summer Vacation გამოუშვა. LP-ის მთავარი სინღერა Flowers გამოცემისთანავე ჰიტად იქცა და Billboard Hot 100-ის ჩარტის ლიდერის სტატუსიც მოიპოვა.
