გიორგი გიგაშვილის და ნინი ნუცუბიძის ერთობლივი პროექტის კონცერტები ყოველთვის მრავალფეროვანი მუსიკალური პროგრამით გამოირჩევა, რაც აუდიტორიისათვის განსხვავებულ მუსიკალურ გამოცდილებას განაპირობებს.
აღსანიშნავია, რომ მათ მიერ შესრულებული საავტორო სიმღერები, ხშირად კარგად ნაცნობი კომპოზიციების ქავერებიც კი, გამორჩეული ინდივიდუალიზმის მატარებელია, რაც უკვე მოსმენილ მელოდიასა თუ ტექსტს ახალ სიცოცხლეს სძენს.
„ბილბორდ საქართველო“ გიორგი გიგაშვილის და ნინი ნუცუბიძის კონცერტისთვის მზადების პროცესს და კონცერტის ერთ დღეს წარმოგიდგენთ. მათთან ერთად სცენაზე მუსიკოსები: ნიკალა, მარიამ კუბანსკი და დათა მუნჯიშვილი არიან. კონცერტი რომელზეც ჩვენ გიამბობთ მიმდინარე წლის 5 იანვარს, MONOHALL ში გაიმართა.
