AC/DC-ის მუსიკალურმა ვიდეომ, რომელიც გადაღებულია სიმღერაზე Back in Black, ონლაინ სივრცეში რეიტინგის რეკორდულ ნიშნულს მიაღწია. კლიპს YouTube-ზე უკვე მილიარდი ნახვა აქვს. ამ მონაცემებით კლიპი ე.წ. “მილიარდიან კლუბს” შეუერთდა. მილიარდ ნახვას წარსულში ბენდის კიდევ ერთმა ვიდეომ, Thunderstruck-მა გადააჭარბა.
სიმღერა AC/DC-ის 1980 წელს გამოცემულ ამავე სახელწოდების ალბომშია შესული. აღსანიშნავია, რომ Back In Black ბენდის ყველაზე გაყიდვადი ალბომია და ის ბენდში ახალი ვოკალისტის, ბრაიან ჯონსონის მისვლის შემდეგ ჩაიწერა.
ალბომი Billboard 200-ის ჩარტში მე-4 ადგილამდე აღზევდა. Back In Black ჯგუფის პირველი ალბომია, რომელიც ამ ჩარტის პირველ ათეულში მოხვდა.
ნახეთ AC/DC-ის კლიპი – Back in Black:
