ლოს ანჯელესის Crypto.com-ის არენაზე 2024 წლის გრემის დაჯილდოების ცერემონია გაიმართა. ამერიკის ხმის ჩამწერმა აკადემიამ სხვადასხვა ნომინაციის მიხედვით 2023 წლის საუკეთესო მუსიკალური ნამუშევრები და მუსიკალურ ინდუსტრიაში მოღვაწე ადამიანები გამოავლინა.
ეს დაჯილდოება განსაკუთრებული აღმოჩნდა მაილი საირუსისათვის, რადგან მომღერალმა თავისი 16-წლიანი მუსიკალური კარიერის განმავლობაში პირველი გრემი მიიღო. საირუსმა სიმღერით Flowers საუკეთესო პოპ სოლო შესრულებისა და წლის ჩანაწერის ნომინაციებში გაიმარჯვა.
საირუსი გრემის 2024 წლის დაჯილდოებაზე მუსიკალური ნომრის შემსრულებელ არტისტებს შორისაც იყო. მომღერალმა ცერემონიაზე Flowers შეასრულა.
