11 თებერვალს სტადიონ „ალეჯიანტზე“ ამერიკული საფეხბურთო ლიგის ფინალური მატჩი გაიმართა. „სუპერ ბოულის“ სახელით ცნობილი თამაში ამერიკის სატელევიზიო სივრცეში ერთ-ერთი ყველაზე სანახაობრივი და რეიტინგული მოვლენაა და ამას მნიშვნელოვნად განაპირობებს ტაიმებს შორის გამართული მუსიკალურ შოუ.
წელს მაყურებელმა აშერის გამოსვლა იხილა. 15-წუთიანი პროგრამის განმავლობაში მუსიკოსმა თავისი ცნობილი ჰიტები შეასრულა და კიდევ ერთხელ დაამტკიცა, რომ პოპ-მუსიკის ერთ-ერთ წამყვანი ფიგურის სტატუსს კვლავაც ინარჩუნებს.
მიუხედავად იმისა რომ აშერი არასდროს გამქრალა მუსიკალური სივრციდან, ბოლო პერიოდი მაინც განსაკუთრებით წარმატებული ჰქონდა. ახლახან მისი ალბომი Coming Home გამოვიდა, მანამდე კი მუსიკოსმა საკონცერტო ტურნე დააანონსა
„Სუპერ ბოულის“ ტაიმებს შორის გამართულ შოუზე აშერის გამოჩენა საკმაოდ დინამიკური გამოდგა. ამ პერიოდში მან არაერთი სასცენო კოსტიუმი მოირგო, სცენაზე მიიწვია ცნობილი ვარსკვლავები, მათ შორის ალიშა ქისი, H.E.R., will.i.am და ლილ ჯონი. ამ სანახაობრივი დინამიკითა და ქორეოგრაფიული გაფორმებით თხუთმეტმა წუთმა მაყურებლისათვის ძალიან სწრაფად გაიარა. აღსანიშნავია, რომ აშერის მუსიკალური წარმოდგენა „სუპერ ბოულის“ ისტორიაში ყველაზე ხანგრძლივი იყო.
„ამბობდნენ, რომ დღეს აქ ყოფნას ვერ შევძლებდი. დედა, ჩვენ ეს შევძელით!”- აღნიშნა ვარსკვლავმა Superstar-ის შესრულებისას და სიმღერა დედას მიუძღვნა.
„Სუპერ ბოულის“ მუსიკალური შოუს სცენაზე აშერის წინამორბედი რიანა იყო. მან 2023 წლის ლიგის ფინალის ტაიმებს შორის იმღერა და მისი გამოსვლა ერთ-ერთ ყველაზე განხილვად მოვლენად იქცა. ამის მიზეზი ისიც გარდა, რომ რიანამ შოუს მსვლელობის დროს მაყურებელს თავისი მეორე ორსულობა გაუმხილა. რაც შეეხება აშერის გამოსვლას, ის მუსიკალური და ქორეოგრაფიული ნაწილით იყო გამოკვეთილი, რა დროსაც აუდიტორიამ შემსრულებლის გამორჩეული უნარები იხილა.
