„სუპერ ბოულის” ფინალზე ფილმ Wicked-ის პირველი ტრეილერის პრემიერა შედგა

პროექტი ორ ნაწილად გამოვა. პირველი ნაწილის პრემიერა 2024 წელს, ნოემბერში, მადლიერების დღეს შედგება.
Wicked/Universal Pictures

2024 წლის სუპერ ბოულის ფინალური შოუს დროს მაყურებელმა ტრადიციისამებრ მრავალი რეკლამა, თუ პრომოვიდეო იხილა და მათ შორის იყო ხმაურიანად დაანონსებული მხატვრული ფილმის, Wicked-ის ტრეილერი. ფილმში  ერთ-ერთ მთავარ როლს არიანა გრანდე ასრულებს. აღსანიშნავია, რომ სუპერ ბოულის ფინალის დროს წარმოდგენილი ვიდეო, ფილმის პირველი ტრეილერია. 

არიანა გრანდე კეთილი ჯადოქრის, გლინდას გმირს განასახიერებს, მისი მოწინააღმდეგე კი უარყოფითი პერსონაჟია, რომელსაც ელფაბა ჰქვია და მის როლშიც მაყურებელი სინთია ერივოს იხილავს. ტრეილერში ორი პერსონაჟის შეხვედრის სცენაა აღბეჭდილი. გავრცელებულ კადრებში ფილმის კიდევ ერთი საკვანძო გმირი, ოზის ჯადოქარი ჩნდება. მას განასახიერებს მსახიობი ჯონათან ბეილი, რომელიც მაყურებლის დიდმა აუდიტორიამ სერიალ „ბრიჯერტონიდან“ გაიცნო. ტრეილერში ასევე ვხედავთ ოსკარის მფლობელ მსახიობ მიშელ იოს, რომელიც მიუზიკლის ანტაგონისტი გმირის, მადამ მორიბლის როლს ასრულებს. 

Wicked ჯონ ემ ჩუს სარეჟისორო ნამუშევარია და ის ბროდვეის ამავე სახელწოდების ცნობილი მიუზიკლის მხატვრული ეკრანიზაციაა. მიუზიკლის სასცენო წარმოდგენა, თავის მხრივ, გრეგორი მაგუაირის რომანის ადაპტაციაა. დაანონსებული ფილმი გაერთიანებულ სამეფოში გადაიღეს. პროექტი ორ ნაწილად გამოვა. პირველი ნაწილის პრემიერა 2024 წელს, ნოემბერში, მადლიერების დღეს შედგება, მეორე ნაწილს კი მაყურებელი 2025 წელს იხილავს. 

იხილეთ ტრეილერი: 

Share
Tweet
Share
Share
Share

წინა სტატია

მრავალწლიანი პაუზის შემდეგ, მებო ნუცუბიძემ ახალი სიმღერა გამოუშვა

შემდეგი სტატია

როდ სტიუარტი, 2021 წლის 14 სექტემბერი, ლონდონი, ფოტო: სამირ ჰუსეინი

როდ სტიუარტის აზრით, ედ შირანის მუსიკა დროს ვერ გაუძლებს

შეიძლება დაგაინტერესოთ

Starring Georgia-ს ფარგლებში Massive Attack-ის კონცერტი გაიმართება

პირველად საქართველოში მსმენელს შესაძლებლობა ექნება, მოუსმინოს ჯგუფის ისეთი კომპოზიციების განახლებულ ვერსიებს, როგორიც არის Teardrop, Unfinished Sympathy და Paradise Circus.
მეტი
არიელ დევისის ილუსტრაცია

„ხელოვნური ინტელექტი და მუსიკალური ინდუსტრია. მუზების შერკინება”

ავტორი: Სერგი გვარჯალაძე  Ჩვენ ვცხოვრობთ ეპოქაში, სადაც ტექნოლოგიები  ცხოვრების ყველა ასპექტზე მოახდენს გავლენას. მუსიკალური ინდუსტრია კი ერთ-ერთი სფეროა,…
მეტი

Billboard-ის მუსიკალურ ჩარტში პირველი ადგილის დაკავების შემდეგ, ჰოზიერი მსმენელებს მადლობას უხდის

სიმღერის Too Sweet პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა.
მეტი